Isasu rya M23 rikomeje kuvuza ubuhaha mu misozi ya teritware ya Rutsuru, mu Ntara ya Kivu y’Amajyaruguru.

Ingabo za General Sultan Makenga, zikomeje kubohoza ibice byarimo FDLR, FARDC, ingabo z’u Burundi, SADC na Wazalendo.

Ni nyuma y’intambara imaze iminsi ibiri, ibera muri axe ya teritware ya Rutsuru, ndetse n’ubu muri iki Gitondo cyo kuri uyu wa Kane, tariki ya 07/03/2024, imirwano ikaze irimo kubera i Kibirizi, muri teritware ya Rutsuru, mu Ntara ya Kivu y’Amajyaruguru.

Amasoko yacu dukesha iy’inkuru avuga ko ari ihuriro ry’Ingabo z’ubutegetsi bwa Kinshasa bagabye iki gitero bakigaba i Kibirizi ahari Ingabo za General Sultan Makenga, zikaba zara higaruriye kuri uyu wa Kabiri, w’iki Cyumweru turimo.

N’ubwo FARDC n’abambari bayo aribo FDLR, Abacanshuro, ingabo z’u Burundi, Wazalendo na SADC, aribo bagaba ibitero mu birindiro bya M23, nti bibuza ko batsindwa urugamba bakaza gukizwa n’amaguru.

Kuva kuri uyu wa Mbere, w’iki Cyumweru, M23 y’igaruriye ibice birimo, Nyanzale, Kirima, Gatsiro, Kashalira, Kikuku, kibingu n’ahandi.

Abaturage baturiye ibyo bice baravuga ko M23 kugeza ubu ikirimo gufata ibindi bice harimo ko n’imisozi iri mu nkengero za Kibirizi ko yamaze kugeramo ingabo z’uyu mutwe. Gusa aba baturage barahamya ko urusaku rw’imbunda ziremereye n’izito ko rurimo k’umvikana mu bice bya Kibirizi no mu nkengero zaho.

     MCN.