Kamala na Trump bahuriye mu y’indi Leta gushaka amajwi.
Mu gihe hasigaye iminsi ibiri amatora akaba muri Leta Zunze Ubumwe z’Amerika, Kamala Harris na Donald Trump bagiye gushakira amajwi muri Leta ya North Carolina.
Kamala ahagarariye ishyaka ry’Abademokarate mu matora ya perezida wa Amerika ateganyijwe tariki ya 05/11/2024, mu gihe na Donald Trump nawe ari umukandida w’ishyaka ry’Abarepulikani; ku munsi w’ejo hashize bombi bahuriye muri Leta ya North Carolina.
Iyi leta barimo nimwe mu zishobora kwegukanwa n’umukandida uwo ari we wese. Kandi uraba ari umunsi wa kane wikurikiranya visi perezida Kamala Harris na Donald Trump bahurira muri Leta imwe kwiyamamaza.
Ibi bigaragaza uruhare runini Leta zirindwi zifite mu kugena uzegukana umwanya wa Perezida hagati y’aba bakandinda bombi.
Ikusanyabitekerezo rikorwa kuri aya matora kugeza ubu ryerekana ko abandinda bombi bafite umubare w’amajwi wegeranye cyane.
Abaturage barenga miliyoni 70 bamaze gutora nk’uko bitangazwa n’ubushakashatsi bukorwa muri kaminuza ya Florida kuri aya matora.
Uyu mubare uri munsi y’uwabari bamaze gutora nk’iki gihe mu mwaka w’ 2020, ariko na none urerekana ko abantu bashishikajwe no kwitabira aya matora.
Ku wa Gatandatu w’ejo hashize kandi, ni wo munsi wa nyuma wagenwe w’abashaka gutora kare muri Leta ya North Carolina, aho abagera kuri miliyoni 3.8 bamaze gutora muri iki gihe uburenganzuba bw’iyi Leta bukiva mu bihe by’imiyaga idasanzwe yari yibasiye aka gace muri mu minsi mike ishize.
