• About Us
  • Privacy Policy
Wednesday, November 18, 2026
  • Login
Minembwe Capital News
  • Home
  • Conflict & Security
  • Regional Politics
  • World News
  • sport & entertainment
No Result
View All Result
  • Home
  • Conflict & Security
  • Regional Politics
  • World News
  • sport & entertainment
No Result
View All Result
Minembwe Capital News
No Result
View All Result
Home Conflict & Security

Kashamata: Amashusho ya Kajugujugu ya FARDC Yateje Impaka, Gen. Eddy Kapend Atanga Ibisobanuro Bitunguranye

Bahanda Bruce by Bahanda Bruce
November 18, 2026
in Conflict & Security
0
Kashamata: Amashusho ya Kajugujugu ya FARDC Yateje Impaka, Gen. Eddy Kapend Atanga Ibisobanuro Bitunguranye
68
SHARES
1.7k
VIEWS
Share on FacebookShare on TwitterShare on Whatsapp

Kashamata: Amashusho ya Kajugujugu ya FARDC Yateje Impaka, Gen. Eddy Kapend Atanga Ibisobanuro Bitunguranye

Minembwe Capital News (MCN)

Umuyobozi w’Intara ya Haut-Katanga, Gen. Eddy Kapend, yahakanye ibirego bya FRN bivuga ko Igisirikare cya Repubulika Iharanira Demokarasi ya Congo (FARDC) cyagabye igitero ku mutungo wa Joseph Kabila, uyobora ihuriro rya Front pour la Refondation de la Nation (FRN).

Kapend yavuze ko inzu ya Joseph Kabila iherereye ahitwa Kashamata itigeze yangizwa n’ibikorwa bya gisirikare FARDC yakoreye muri ako gace. Yasobanuye ko ibyabereye aho byari ibikorwa bya gisirikare bijyanye n’imyitozo, ahakana amakuru avuga ko iyo nzu yagabweho igitero.

Ibi yabivuze ku munsi w’ejo hashize, ku wa Kabiri, ubwo yari i Kashamata, aho yatanze ibisobanuro ku birego bya FRN bijyanye n’ibikorwa bya gisirikare byabereye muri ako gace.

Gen. Eddy Kapend Irung afite inshingano zo kuyobora Akarere ka 22 ka Gisirikare (22ᵉ Région Militaire) ka FARDC, gakorera mu gace ka Katanga, karimo n’Intara ya Haut-Katanga. Ni we ushinzwe kuyobora no kugenzura ibikorwa bya gisirikare muri ako karere.

Ibisasu byaguye mu gace ka Kashamata

Amakuru y’ibikorwa bya gisirikare byabereye i Kashamata yakomeje guteza impaka, cyane cyane nyuma y’amashusho yakwirakwijwe ku mbuga nkoranyambaga, agaragaza kajugujugu ya gisirikare irasa ibisasu muri ako gace.

Nk’uko amakuru yatangajwe icyo gihe abivuga, ibyo bikorwa bya gisirikare byabaye ku wa Gatandatu, mu mpera z’icyumweru gishize, mu masaha ya mu gitondo.

Nubwo Gen. Eddy Kapend avuga ko ibyabereye i Kashamata byari ibikorwa bya gisirikare bijyanye n’imyitozo, kandi agahakana ko inzu n’ibindi bikorwa remezo bya Joseph Kabila byangijwe, amashusho yakwirakwijwe agaragaza kajugujugu ya FARDC irasa ibisasu muri ako gace, ahaherereye imwe mu mitungo ya Kabila.

Ibi bituma hakomeza kwibazwa ku miterere nyakuri y’ibyo bikorwa bya gisirikare, cyane cyane ko amashusho agaragaza kajugujugu irasa ibisasu mu gace kazwiho kuba karimo imwe mu mitungo ya Joseph Kabila. Ibyo kandi bituma havuka ibibazo ku bijyanye n’icyo ibyo bisasu byari bigambiriye n’ingaruka bishobora kuba byaragize ku mitungo iri muri ako gace.

Kashamata ni agace gaherereye hafi y’Umujyi wa Lubumbashi, ku muhanda uhuza Lubumbashi na Kasumbalesa, mu Ntara ya Haut-Katanga.

Joseph Kabila wahoze ari Perezida wa Repubulika Iharanira Demokarasi ya Congo, ubu ayobora FRN, ihuriro rya politiki n’igisirikare rigamije guhindura imiyoborere y’igihugu no gushyira iherezo ku butegetsi bwa Kinshasa buyobowe na Perezida Félix Tshisekedi.

Ibi bibaye mu gihe umwuka wa politiki n’umutekano muri Repubulika Iharanira Demokarasi ya Congo ukomeje kuzamba, hagati y’ubutegetsi bwa Kinshasa n’ihuriro rya FRN riyobowe na Joseph Kabila.

Minembwe Capital News (MCN)

Tags: Eddy KapendIbiteroKashamata

Browse by Category

  • Conflict & Security
  • Regional Politics
  • Religion
  • Shop & Explore
  • sport & entertainment
  • Uncategorized
  • World News

Minembwe Capital News

MINEMBWE DUTANGAZA AMAKURU ATOHOJE KANDI YIZEWE Y'I MULENGE NO MU KARERE, NDETSE NO KU ISI HOSE.

CATEGORIES

BROWSE BY TAG

Conflict & Security Regional Politics Religion Shop & Explore sport & entertainment Uncategorized World News
  • About Us
  • Home
  • Privacy Policy

© 2026 Minembwe Media.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Home
  • Regional Politics
  • Conflict & Security
  • World News
  • About Us
    • Privacy Policy

© 2026 Minembwe Media.

Not enough quota to unlock this post
Unlock left : 0
Are you sure want to cancel subscription?