Kubera imbuga nkoranya mbaga zatumye umunyakenya aticirwa mu gihugu cya Arabia Saoudite.
Ni ubukanguramba bwakozwe bwo mu rwego rwo hejuru, butuma umunyakenya aticwa, aho bwamutabarije ku munota wanyuma bihita bihagarikwa, nk’uko tubikesha The Africa Report.
Umunyakenya wendaga kwicwa ni Stephen Munyakho, ahagana mu 2011 uyu munyakenya yakatiwe n’urukiko rwo muri icyo gihugu cya Arabia Saoudite, igihano cy’u rupfu, nyuma y’uko yari yarwanye n’umukozi mugenzi we ukomoka muri iki gihugu cya Arabia Saoudite akamwica atabigambiriye.
Amategeko y’iki gihugu avuga ko igihano cy’u rupfu gishobora kuvanwaho mu gihe iyo umuryango wu wiciwe wemeye guhabwa indishyi.
Arabia Saoudite yemeye icyifuzo cya Kenya cyo gusubika iyicwa rya Stephen Munyakho, mu gihe yari kwicwa kuri uyu munsi tariki 15/05/2024.
Ku wa Mbere, umunyamabanga mukuru w’ububanyi n’amahanga wa Kenya yakoresheje urubuga rwa x, bwana Korir Sing’oei, atangaza ko abategetsi ba Arabia Saoudite bemeye guhagarika iyicwa rya Munyakho mu gihe ariko hari hagitegerejwe ko haba imishyikirano. Imishikirano ikaba yarabaye ku munsi w’ejo hashize.
Stephen Munyakho ni umugabo w’imyaka 37; muri iki gihugu cya Arabia Saoudite yahinduye amazina yiyita Abdulkareem, yari amaze imyaka 13 aho yagiye afungirwa muri gereza zitandukanye zo mu Ntara ya Maka, ariko kuri ubu yari bwicwe avanwe muri gereza ya Shimeisi.
MCN.
