Kuri uyu wa Mbere, habaye urugamba rukomeye hagati ya M23 n’ihuriro ry’Ingabo za RDC.
Ni imirwano yabereye mu bice byinshi byo muri teritware ya Masisi, mu Ntara ya Kivu y’Amajyaruguru, nk’uko amakuru ava muri ibyo abivuga.
Ay’amakuru agaragaza neza ko imirwano yabaye none ku wa mbere tariki ya 29/07/2024, hagati y’Ingabo zirwana ku ruhande rwa leta n’abarwanyi ba M23 yatangiye igihe c’isaha z’igitondo cyakare, kandi ko yagejeje igihe c’isaha z’igicamunsi.
Kuko kugeza isaha ya saa saba zamanywa imbunda ziremereye n’izito zari zikirimo zumvikana muri ibyo bice.
Iy’i ntambara ikaba yabereye mu duce duherereye muri Localité ya Kahira, nka hitwa Tambi, Kasura na Bigogwe. Rwari urugamba rukaze.
Kimweho, iri huriro ry’Ingabo z’ubutegetsi bwa Repubulika ya demokarasi ya Congo, bivugwa ko ariryo ryagabye ibi bitero ku barwanyi ba M23 ariko nk’uko Minembwe Capital News yahawe ay’amakuru byarangiye iri huriro ry’ingabo za RDC ziyabangiye ingata.
Kur’ubu biriya bice byabereyemo imirwano biri mu maboko y’abarwanyi bayobowe na General Sultan Makenga, ndetse hari amakuru yatanzwe n’umwe muri abo barwanyi, avuga ko hari n’ibikoresho by’agisirikare uyu mutwe wanyaze ririya huriro ry’Ingabo za Guverinoma ya Kinshasa.
Iyi mirwano yabaye mu gihe impande zombi zikiri muri ya minsi 15 yagahenge kasabwe na leta Zunze Ubumwe z’Amerika. Ariko nubwo iri huriro ry’ingabo za RDC ariryo ryagabye ibitero mbere, ntibyabujije ko rishija M23 kuba ari yo nyiribayazana nk’uko umuvugizi w’igisirikare cya FARDC mu Ntara ya Kivu y’Amajyaruguru yamaze kubitangaza akoresheje imbuga nkoranya mbaga.
MCN
