Léonard Okitundu wigezeho kuba Minisitiri w’Ububanyi n’Amahanga muri Congo Kinshasa, we ngwasanga inzira yokuganira yaba umuti mwiza w’amakimbirane ari hagati y’u Rwanda n’igihugu ca Republika ya Demokarasi ya Congo.
Ibi abivuze mugihe ibihugu byombi bimaze umwaka urenga birebana ayingwe. Amakimbirane kuribi bihugu byombi yadutse mugihe huburaga intambara hagati y’ingabo za FARDC n’inyeshyamba zo mu mutwe wa M23.
Ubutegetsi bwa Kinshasa bushinja ubw’u Rwanda guha ubufasha umutwe wa M23 mugihe u Rwanda rwo rushinja FARDC gukorana n’umutwe wa FDLR ugambiriye kuruhungabanyiriza umutekano.
Inzego z’akarere ibihugu byombi biherereyemo zagerageje kunga ibihugu byombi, gusa kugeza ubu ibibazo bifitanye ntabwo birakemuka.
Ku bwa Okitundu, u Rwanda na Republika ya Democrasi ya Congo bakwiye gushaka igisubizo cya dipolomasi mu rwego rwo gukemura amakimbirane bifitanye.
Yagize ati: “Nahoze ndi Minisitiri w’Ububanyi n’Amahanga, ndatanga ubuvugizi bwo gushaka igisubizo cya dipolomasi mu gihe haba hitabwa ku kibazo cy’imitwe yitwaje intwaro, mu rwego rwo kwizera ubusugire bwa RDC.”
Yakomeje agira ati: “Tugomba gushyigikira igisubizo cya dipolomasi mu burasirazuba bwigihugu cyacu, kuko intambara tuzi uko tuyitangira, ariko ntituzi uko tuyirangiza, ikindi abaturage bacu ni bo bahohoterwa. Ni yo mpamvu, ntekereza ko ibisubizo byo gukemura amakimbirane mu mahoro bikomeje gushakishwa. “
Okitundu yanagaragaje ko u Rwanda na RDC bakwiye gukora iyo bwabaga mu gukumira icyo ari cyo cyose cyaganisha ku ntambara.
Yavuze ko “Dipolomasi y’igihugu ni yo ruhande nyarwo rwacyo. Twakumiriwe kubana na kiriya gihugu ni yo mpamvu ari ngombwa gushaka igisubizo cya dipolomasi. Ikibazo nyamukuru ni uburyo bwo gusobanura ikibazo cyavutse mu burasirazuba bwa RDC ari na byo bizadufasha kubona ibisubizo biboneye.”
Kugeza ubu Leta ya Congo imaze igihe isabwa kujya mu biganiro na M23, gusa yarahiye ko itazigera ijya mu biganiro n’inyeshamba zo mu mutwe wa M23.
By Bruce Bahanda.
Tariki 10/09/2023.
I as well believe thus, perfectly composed post! .