Ibitero by’ingabo za Repubulika ya demokarasi ya Congo n’abo bafatanya kurwanya M23 byasubijwe inyuma n’uyu mutwe wongera no gufata ibindi bice.
Ni mu mirwano ikaze yabaye ku munsi w’ejo hashize, itariki ya 22/03/2024, ikaba yarabereye mu bice byo muri teritware ya Masisi, mu Ntara ya Kivu y’Amajyaruguru.
Lawrence Kanyuka, umuvugizi wa M23 mu bya politike, yavuze kuri ibi bitero bagabwaho, avuga ko byagabwe mu duce turimo Mushaki, Karuba no mu nkengero zaho. Ariko yemeza ko ahagabwe ibitero ari ahatuwe n’abaturage benshi.
Yagize ati: “Ihuriro ry’abasirikare ba leta ya Kinshasa, barimo FDLR, abacanshuro, Wazalendo, ingabo z’u Burundi na SADC, bagabye ibitero ahatuwe n’abaturage benshi, muri Karuba, Mushaki no mu nkengero zaho.”
Yakomeje agira ati: “Ingabo ziharanira impindura matwara muri Repubulika ya demokarasi ya Congo(ARC) ziri kurwana kubaturage n’ibyabo kandi turarwana kinyamwuga.”
Ay’amakuru avuga kandi ko iy’i mirwano yabaye ku gicamunsi cyo kuri uyu wa Gatanu, ingabo ziyobowe na Gen Sultan Makenga ko zasubije ibi bitero inyuma, ndetse zambura abarwana k’uruhande rw’ubutegetsi bwa Kinshasa, uduce turimo Kabaya na Kaghundu.
Akomeza avuga ko urugamba rwaje gukarira mu Bihambwe ho muri teritware ya Masisi, aho M23 yaje kwa mbura imbunda ninshi ihuriro ry’Ingabo za Guverinoma ya Kinshasa.
Urugamba rwabereye mu Bihambwe rwatangiye igihe c’isaha ya saa kenda rugeza isaha ya saa moya z’ijoro.
Kuri ubu habaye ituze.
MCN.