M23 yatangaje icyo iri bukore nyuma y’aho ifashe zone ya Masisi.
Ni mu kiganiro umutwe wa M23 binyuze muri Grigadier General Byamungu yakoranye n’abaturage baturiye isantire ya teritware ya Masisi mu Ntara ya Kivu y’Amajyaruguru.
Ahar’ejo tariki ya 04/1/2025 ni bwo General Byamungu yakoze iki kiganiro nyuma y’uko ingabo yari ayoboye zo mu mutwe wa M23 zifashe zone ya Masisi yarizwiho kuba ari indiri ikomeye ya FDLR, ikaba kandi yari irimo na Wazalendo, ingabo z’u Burundi ndetse na FARDC.
Hari hashize iminsi itatu M23 ihanganye bikomeye n’ihuriro ry’Ingabo zirwana ku ruhande rwa Leta aho barwaniraga mu nkengero ziriya centre ya teritware ya Masisi.
Iryo hangana ryasize uriya mutwe wigaruriye uduce twinshi two muri iyi teritwari ya Masisi, turimo Gahongore, Gasura na Katale n’utundi.
Nyuma nibwo uyu mutwe ahagana ku mugoroba w’ahar’ejo wahise ufata na Centre, maze Brig.Gen Byamungu ahumuriza abaturage baturiye ako gace, ndetse abahishurira ko “gahunda ya M23 ari ukugera kure.”
Yagize ati: “Gahunda yacu ubu ni ukugera kure za Walikale naza Kisangani gukomeza n’ahandi.”
Biravugwa ko kuri ubu uruhande rwa Leta ruhagarariye mu duce tubiri two muri teritware ya Masisi aho iyi teritwari ihana umupaka na teritware ya Walikale, aka Rwashi na Nyabyondo.
Utu duce twombi FARDC n’abambari bayo bakirimo ni utwo muri teritware ya Masisi tubarizwa muri cheferie ya Bashali-Mukoto.
Hagataho impande zombi ziri kurebana ayingwe, nubwo muri iki gitondo ntaharavugwa imirwano.
