M23 yigaruriye uduce twinshi mu mirwano yarimaze iminsi irenga ibiri.
Nyuma y’iminsi ine y’imirwano ikomeye hagati ya AFC/M23 n’ihuriro ry’Ingabo za Repubulika ya demokarasi ya Congo yasize uru ruhande rw’abarwanyi ba AFC/M23 bafashe uduce twinshi twa gurupema ya Ikobo muri teritware ya Walikale mu ntara ya Kivu y’Amajyaruguru.
Iyi mirwano yabaye muri iki cyumweru turimo kuva ku wa mbere kugeza aha’rejo ku wa kane tariki ya 29/05/2025, aho iyi mirwano yaberaga muri grupema ya Ikobo cyo kimwe no mu ya Kisimba.
AFC/M23 yigaruriye ibice byinshi byo muri grupema ya Ikobo, nyuma yuko igabye ibitero kuri uwo wa mbere mu birindiro by’ingabo zirwana ku ruhande rwa Leta.
Ubuyobozi bw’ibanze muri iyi grupema ya Ikobo, bwatangaje ko Localite zitandatu zo muri iyi grupema ubu ziri mu biganza by’abarwanyi ba AFC/M23, ari zo Iremya, Mirungi, Kaune, Banamuronga, Kalehe ndetse na Kitanda.
Nyuma aba barwanyi bo muri uyu mutwe wa M23 bahise bashinga ibirindiro byitegeye aho umwanzi ashobora guturuka muri Irimba, Kaune, Rusamambu, Bukumbirwa, Kilombo na Busunzu.
Naho muri grupema ya Kasimba yegeranye cyane n’iyi ya Ikobo, babishinze mu gace ka Kalonge nyuma y’imirwano yabayeho ku wa gatatu no ku wa kane.
Uduce twafashwe two muri iyi grupema ya Kasimba ni aka Musambo, Kyanjikiro, Katobo, Ihula, Mbukuru, Mukohwa, Ngambi na Buhimba, twose twafashwe n’abarwanyi bo muri uyu mutwe wa M23.
Aba barwana ku ruhande rwa Leta bakimara gukubitwa bagahunga, amakuru agaragaza ko bahungiye mu bice bya Kashukano, Kisone na Busako.
Iyi mirwano yongeye gukara mu gihe Leta ya Congo iri mu biganiro na AFC/M23 i Doha muri Qatar, bikaba byaratangiye kuva mu kwezi kwa gatatu uyu mwaka wa 2025.
