M23 yongeye gutigisa ihuriro ry’Ingabo za RDC iryambura uduce twinshi.
Umutwe wa M23 urwanira mu Ntara ya Kivu y’Amajyaruguru, wafashe uduce tugera muri dutanu duherereye muri teritware ya Masisi mu Burasirazuba bwa Repubulika ya demokarasi ya Congo, nk’uko amakuru ava muri ibyo bice abivuga.
Ni kuri uyu wa kane tariki ya 2/01/2025, ahagana mu masaha y’igitondo ni bwo imirwano ikaze yubuye mu duce two muri teritware ya Masisi maze biza kurangira M23 itubohoje.
Utwo duce uyu mutwe wigaruriye harimo akitwa Lokopfu, Kaniro n’utundi turi mu nkengero yatwo.
Ni nyuma yi mirwano ikaze, bivugwa ko y’umvikanyemo imbunda ziremereye n’izito aho yari ihanganishije FARDC n’abambari bayo n’uyu mutwe wa M23.
Ikindi n’uko ahitwa Buguri, ibintu biri kuhabera byabaye urujijo ku ruhande rwa Leta ni mu gihe intambara iremereye yabereye hafi na Katale, agace gafatwa nka kanyuma mbere y’uko winjira muri centre ya teritware ya Masisi. Bikagaragara ko uriya mutwe uza kwigarurira centre ya Masisi.
Ndetse n’umuhanda uva muri Katale winjira muri iyo centre, iz’i ngabo ziyobowe na Gen Sultan Makenga zamaze kuwubohoza.
Si aho bonyine imirwano ikaze yabereye, kuko yabereye no mu tundi duce duherereye muri cheferie ya Bashali muri teritware ya Masisi.
Iyi mirwano yabaye uyu munsi ije ikurikira iyabaye ukwezi gushyize iyarimo ibera mu bice byo muri teritware ya Lubero.