Minembwe:Ibyo Nyawira Yakoreye Umwana We Mbere y’uko Yitaba Imana Birakomeye
Minembwe Capital News (MCN)
Ku manywa yo kuri uyu wa Gatanu, tariki ya 13/11/2026, mu Minembwe Centre, ahazwi nko mu Madegu, haravugwa inkuru ibabaje y’umubyeyi w’Umunyamulenge witwa Nyawira Nyantebuka, witabye Imana nyuma yo gusengera umwana we, na we akamusaba kumusengera.
Amakuru Minembwe Capital News (MCN) yamenye avuga ko mbere y’uko uwo mubyeyi yitaba Imana, yahamagaye umwana we, amujyana mu cyumba, amusaba kwicara. Uwo mwana yubahiriza icyifuzo cy’umubyeyi we, aricara.
Nyawira yahise atangira gusengera umwana we, amusabira umugisha. Amaze kurangiza isengesho rye no kuvuga ngo “Amen”, yasabye uwo mwana na we kumusengera.
Icyakurikiyeho cyababaje benshi, kuko uwo mubyeyi yahise yitura ku gitanda, ahita ashiramo umwuka.
Amakuru MCN yamenye avuga ko igihe Nyawira yitabaga Imana, umwana we yari akiri aho, amaze kumusengera nk’uko yari yabimusabye.
Nyawira asize abana barindwi, barimo abahungu n’abakobwa.
Ibyo uwo mubyeyi yakoze mbere yo kwitaba Imana, by’umwihariko gusengera umwana we, hanyuma na we akamusaba kumusengera, byateye agahinda n’amarangamutima akomeye mu babimenye. Ni inkuru ibabaje y’umubyeyi washoje ubuzima bwe asengera uwo yibarutse.
Ku rundi ruhande, amakuru agaragaza ko ibi bibazo byose bifitanye isano n’intambara Abanyamulenge bashowemo n’ubutegetsi bw’i Kinshasa, bufatanyije n’ubutegetsi bw’i Gitega.
Minembwe Capital News (MCN)