Moïse Katumbi, wahanganye na perezida Félix Tshisekedi, mu matora yo kw’itariki ya 20/12/2023, yasabye ko Denis Kadima, yeguzwa k’u mwanya wo guhagararira Komisiyo y’igenga ishinzwe gutegura Amatora (CENI).
K’uwa Gatanu, tariki ya 05/01/2024, n’ibwo Denis Kadima, yatangaje ko abakandida bagera kuri 82 amajwi y’abo yagizwe imfabusha.
Nyuma yabwo gato, tariki ya 07/01/2024, i Shyaka rya Ensemble pour La République, rya Moïse Katumbi, ryahise rishira icyegeranyo hanze gisaba ko Amatora munzego zose yabayemo uburiganya bityo ko agomba gusubirwamo bundi bushya.
Kuri ubuho, Moïse Katumbi, umuyobozi mukuru w’i Shyaka rya Ensemble pour La République, yasabye ko Denis Kadima, uhagarariye Komisiyo y’igenga ishinzwe gutegura Amatora muri Repubulika ya Demokarasi ya Congo (CENI), yeguzwa kuri uyu murimo.
Moïse Katumbi, ati: “Kadima Denis, niwe wagize uruhare runini kugira Amatora akorwe muburiganya. Ay’amatora yateguwe nabi nta handi kw’Isi haraba Amatora nkayo Kadima yateguye.”
Yakomeje agira ati: “Amahanga dukomeje kuyereka Amatora ateye isoni yabaye muri Repubulika ya Demokarasi ya Congo. Nta kindi gisubizo dutegereje usibye ko Amatora yasubirwamo naho Kadima Denis, akinjira uburoko yabanjye kweguzwa.”
Ibi bibaye kandi mugihe umucyamanza mukuru wa Repubulika ya Demokarasi ya Congo, bwana Firmin Mvonde, ahamagariwe gukurikirana abakandida 82 amajwi y’abo yasheshwe bazira ko bagize uruhare mugukora uburiganya mu matora aheruka.
Abakandida 82 k’u mwanya wa badepite, ibyabo byabaye imfabusha mugihe Denis Kadima, yabashinjye ko bakoresheje ruswa n’ubujura kugira batsinde Amatora.
Bruce Bahanda.
