Inyeshamba z’Abarundi zo mu mutwe wa Red Tabara, zirwanya ubutegetsi bwa Gitege, zahunze zigana kuri Nyabibuye hi Rukombe mu karere ka Mibunda, mu Ntara ya Kivu y’Amajy’epfo.
Ni mu mirwano imaze iminsi itatu ihanganishije aba barwanyi ba Red Tabara na Maï Maï iyobowe n’uwiyita General Hamuri Yakutumba wo mu bwoko bw’Ababembe.
Iyi mirwano yatangiye mu gitondo cyo ku wa Gatandatu, tariki ya 08/06/2024, aho Yakutumba n’abarwanyi ayoboye, bagabye igitero gikaze mu birindiro bya Red Tabara, biherereye ahitwa mu Kabanju, mu majyepfo ashira uburengerazuba bwa Komine ya Minembwe.
Nyuma Red Tabara yaje guhunga igana i Musika, maze mu gitondo cyo ku Cyumweru, aba barwanyi bazindukira ku bitero bikomeye by’aba barwanyi ba William Yakutumba.
Amakuru yizewe Minembwe Capital News dukesha abaturage baturiye ibyo bice avuga ko imirwano yabaye ku Cyumweru hagati y’izi mpande zombi zihanganye ko yabereye neza ku dusozi two Mw’ibumba, duherereye mu ntera y’ibirometre bike no mu Bikuba, kw’i centre ya Nyabibuye, y’itoreo rya 8ème CEPAC.
Ay’amakuru akomeza avuga ko abarwanyi ba Red Tabara ko baje gukizwa n’amaguru bahungira mu irango rya Nyabibuye, ndetse abandi bahungira mu ishyamba rya Bukafu, riri mu misozi ya Rukombe, ariho kuri Nyabibuye, aha hoze hatuye Abanyabyinshi benshi.
Tubibutsa ko abarwanyi ba Red Tabara bashigikiwe n’igice ki nini cya Maï Maï Bishambuke yo kwa Ngomanzito mu gihe ikindi gice nacyo, kiri kumwe na Maï Maï iyobowe na Gen Hamuri Yakutumba.
MCN.....
