Mu gihe cya gahenge, FARDC n’abambari bayo bagabye ibitero mu birindiro bya M23 n’ahatuwe n’abaturage.
Ibirindiro bitandukanye bya M23 byaterewe icyarimwe n’ingabo za FARDC, SADC, Ingabo z’u Burundi, abacanshuro Wazalendo, FDLR na Wazalendo, ku mugoroba wo ku Cyumweru tariki ya 07/07/2024.
Ibi bitero byagabwe nyuma y’umunsi umwe gusa leta Zunze Ubumwe z’Amerika zitangaje agahenge ku mpande zihanganye muri ibi bice byo mu Burasirazuba bw’iki gihugu. Aka gahenge na k’iminsi icumi nine.
Umuvugizi wa AFC/M23 mu itangazo yashize hanze yagize ati: “Aka kanya, ahatuwe n’abaturage b’abasivili n’ibirindiro byacu byose byibasiwe n’ingabo z’ihuriro ry’ubutegetsi bwa Kinshasa, zirimo FARDC, FDLR, Wazalendo, ingabo z’u Burundi, ADF na SADC babigaba i Matembe, nko mu birometero 12 uvuye Kaseghe.”
Yakomeje agira ati: “Mu gihe AFC/ M23 yubashye agahenge ko kurengera ikiremwamuntu yasabwe na leta Zunze Ubumwe z’Amerika, izo ngabo zo zo mu ihuriro ry’Ingabo za RDC ziyemeje kurenga iyi gahunda nziza igamije gufasha abatabazi ndetse n’abavanwe mu byabo.”
Yosoje amenyesha imiryango mpuzamahanga ikomeye n’akarere ko ingabo za Kinshasa n’abambari bazo batubahirije agahenge hubwo bahitamo ku gaba ibitero bakoresheje ugutera ibibomba n’ibindi bisasu biremereye ahatuwe n’abaturage.
MCN.