Mu Kalingi harasiwe umu motari hamenyekana n’abamurashe.

Mu Kalingi harasiwe umu motari hamenyekana n’abamurashe.

Umu motari w’Umushi wavaga mu Minembwe yerekera mu Minkenke yarashwe nabo byavuzwe ko ari Maï Maï arakomereka bikabije, nk’uko amakuru ava muri ibyo bice abivuga.

Uyu mu motari yarashwe igihe c’isaha zitanu z’ahar’ejo tariki ya 11/11/2024.
Abaturage baturiye ibyo bice bahamirije Minembwe.com ko uyu mu motari yakomerekejwe n’inyeshamba zo mu mutwe wa Maï Maï zizwiho kuba zifatanyije n’ingabo z’u Burundi n’iza RDC mu bitero byo guhiga umutwe wa Red-Tabara.

Nk’uko banabisobanuye n’uko uyu mu motari yarashwe ubwo yari ageze mu Bisambu biri hagati ya Kalingi na Mikenke, ku kagasozi ka Gaturiro.

Iki gisambu uyu mu motari yarasiwemo cyitwa Nyarubira kikaba gihuza Kalingi na Mikenke.
Byavuzwe kandi ko nyuma y’uko uyu mu motari yari amaze kuraswa abaturage birwanaho baratabaye, ku bwamahirwe basanga uwarashwe agihumeka ari nabwo bahise bamwikorera ajanwa ku bitaro bikuru bya Minembwe kugira yitabweho.

Ibi bikaba byongeye gutanga indi sura mbi ku mutekano waka gace.

Kimwecyo biravugwa ko kuba Maï Maï itangiye kurasa abaturage bifitanye isano n’intambara ikomeje kubera mu nkengero za Mikenke, ni mu gihe umutwe wa Red-Tabara ukomeje guhangana n’ingabo z’u Burundi zifatanyije na FARDC hamwe na Maï Maï.

Ni intambara yatangiye mu ntangiriro z’ukwezi gushize, kugeza n’ubu iracyakomeje aho n’ejobundi barwaniye mu duce turi hafi n’ishyamba rya Lungulungu ho muri teritware ya Mwenga.