Mu nkengero za centre ya Sake haramukiye imirwano ikomeye hagati ya M23 n’igisirikare ki rwana ku ruhande rwa leta ya perezida Félix Antoine Tshisekedi.
Ni ibitero byazindutse bigabwa mu birindiro bya M23 biri mu duce twunamiye centre ya Sake ho muri teritwari ya Masisi, mu Ntara ya Kivu y’Amajyaruguru, nk’uko bikomeje kuvugwa n’abaturiye utwo duce.
Iyi mirwano y’umvikanyemo imbunda ziremereye n’izito, aho ihuriro ry’Ingabo z’ubutegetsi bwa Kinshasa ryakoresheje kurasa ibibunda biremereye byo mu bwoko bwa Saba Saba n’ibindi bitwaro bikaze bikoreshwa n’ingabo za Sadc.
Amakuru avugwa n’abaturiye ibyo bice avuga ko iyo mirwano yatangiye ku isaha ya saa moya z’iki gitondo ikomerezaho kugeza amasaha ya saa ine.
Ibyo bibaye mu gihe ku munsi w’ejo hashize naho habaye intambara kandi ibera kuri iyi misozi ya Sake, ndetse amakuru yaje avuga ko iyo mirwano M23 yayifatiyemo ibifaru bitatu ibyaka ihuriro ry’Ingabo z’ubutegetsi bwa Kinshasa.
Ku rundi ruhande ihuriro ry’Ingabo za leta ya perezida Félix Tshisekedi ziravugwaho kuba zari zahunze muri centre ya Kanyaboyonga, ninyuma yuko imirwano yari yakaze mu nkengero zayo.
Ariko amakuru yazindutse atangazwa kuri uyu wa Gatanu, nuko izi ngabo za leta zongeye kugaruka muri iyi centre ya Kanyaboyonga.
Kuri ubu M23 yamaze kwigiza inyuma ibyo bitero ndetse kandi ikaba ikomeje kwegera gufata Kanyaboyonga.
MCN.
