Muri Nigeria haravugwa amakuru y’urupfu rw’umugaba mukuru w’ingabo z’iki gihugu.
Leta ya Nigeria, binyuze ku muvugizi wa perezida wayo, niwe wemeje urupfu rw’umugaba mukuru w’ingabo z’iki gihugu, General Taoreed Lagbaja, aho yavuze ko yitabye Imana ku mugoroba wo ku wa kabiri tariki ya 04/11/2024.
General Taoreed Lagbaja, yitabye Imana ku myaka 56, akaba yaraguye mu mujyi wa Lagos, nyuma y’igihe arwaye, gusa indwara yamuhitanye ntiyatangajwe.
Itangazo ryashyizwe hanze n’umuvugizi wa Perezida, aho yarinyujije kuru kuta rwa x, rivuga ko perezida Tinubu yihanganishije byimazeyo umuryango wa Gen Lagbaja.
Iri tangazo rivuga ko urupfu rw’umugaba mukuru w’ingabo z’iki gihugu, ari igihombo gikomeye ku ngabo za Nigeria.
Rikomeza rivuga ko uyu mugabo witabye Imana yagize uruhare runini mu bikorwa byinshi, birimo ukurinda umutekano w’imbere mu gihugu ndetse no mu bindi bikorwa bitandukanye byoguteza iki gihugu imbere.
Ahagana tariki ya 19/06/2023, nibwo perezida Tinubu yazamuye mu ntera Lt Gen Lagbaja amugira umugabo mukuru w’ingabo z’igihugu cyabo cya Nigeria.
Apfuye yari amaze umwaka umwe n’amezi make ari umugaba mukuru w’ingabo za Nigeria.
