Muri Nigeria Impanuka idasanzwe yahitanye abarenga 150.
Mu gihugu cya Nigeria bazindutse bashyingura imibiri y’abantu barenga 150 baburiye ubuzima mu iturika ry’imodoka yari itwaye ibikomoka kuri peteroli ubwo bari bagiye kuyivoma.
Amakuru akomeje gutangazwa n’ibitangaza makuru byo muri icyo gihugu, avuga ko umubare w’abahitanywe n’iyi mpanuka yabaye ku munsi w’ejo hashize tariki ya 16/10/2024, wagiye wiyongera ni mu gihe bimwe muri ibyo bitangaza makuru byavuze ko abapfuye bagera kuri 150 mu gihe BBC yo yavuze ko ari 153.
Ni mpanuka yabereye neza mu mujyi wa Majiya muri Leta ya Jingwa ho mu gihugu cya Nigeria, ubwo ikamyo yari itwaye Lisansi (igitoro) yaturitse ni mu gihe abaturiye muri ako gace bageragezaga kuvoma Lisansi yavaga muri iyi kamyo.
Mu mashusho abigaragaza ubona abaturage bahiye barakongoka, ku buryo imibiri y’abenshi mu bahitanywe n’iyi mpanuka itamenyekanye.
Gusa amakuru avuga ko mwen’izi mpanuka ko zikunda kuba muri Nigeria, kubera ubuke bwa mashyanyarazi atuma ubwikorezi bwa Gari ya Moshi budakora neza bituma ibicuruzwa birimo na Lisansi byambutswa binyujijwe mu mihanda.
Ikindi kandi ngo nuko imodoka zikunze gukora iz’impanuka ngo niziba zikorera mu miganda, ubundi abaturage bagaharura bagiye kuvoma ibikomoka kuri peteroli rimwe na rimwe, bigaturika, bigahitana ubuzima bwa benshi.
Ubundi n’uko impanuka nk’iyi muri Kenya yaherukaga kuba mu kwezi kwa Cyenda, aho yanahitanye abantu barenga 48.
Nyuma Polisi yo muri iki gihugu, yahise itangaza ko igiye gukaza umutekano n’amategeko byo mu muhanda, mu rwego rwo kugabanya impanuka z’amakamyo zikomeje guhitana ubuzima bwa benshi.
MCN.
