Perezida Samia yakoranije inama yihuta ya SADC ku ntambara ibera muri RDC.
Perezida wa Tanzania, Samia Suluhu yahamagaje inama yihuta y’urwego rwa SADC rushinzwe politiki, n’umutekano, ikaba yarabereye i Dar es Salaam.
Iy’inama yabaye ahar’eje tariki ya 28/01/2025. Ikaba yaritabiriwe n’abakuru b’ibihugu bigize uyu muryango wa SADC.
Iri tangazo ry’umukuru w’iki gihugu cya Tanzania wayihamagaje, ntirigaragaza ibyigiwe muri iyi nama, ariko kuva mbere byavugwaga ko yiga ku ntambara ibera mu Burasirazuba bwa Repubulika ya demokarasi ya Congo.
Iyi nama yitabiriwe na perezida Hakainde Hichilema wa Zambia, perezida Lazarus Chakwera wa Malawi, mu gihe perezida Félix Tshisekedi wa RDC na Chril Ramaphosa wa Afrika y’Epfo, bayitabiriye bakoresheje ubuhanga bwa none.
Iryo tangazo ryasohowe rivuga kuri iyi nama y’uru rwego rwa SADC ryavugishije benshi ku mbugankoranyambaga, aho bamwe basaba ko iri shirahamwe ryakora vuba nabwangu bagahagarika iyi ntambara ihanganishije umutwe wa M23 n’ingabo za RDC.
Umuryango wa SADC wohereje ingabo muri RDC nyuma yokubona umutwe wa M23 uri gutsinda cyane FARDC.
Ingabo ziri mu butumwa buzwi nka SAMIDRC zirimo iza Tanzania, Afrika y’Epfo na Malawi zigiye kumara umwaka mu Burasirazuba bwa RDC kuko zihari kuva mu kwezi kwa Cumi nabiri umwaka w’ 2023.
Mu byazizanye harimo kurwanya umutwe wa M23, bikaba bizwi ko zifatanya n’imitwe yitwaje intwaro irimo Wazalendo, FDLR, n’ingabo z’u Burundi ndetse n’iza Congo.
Ariko ibyo ntibyabujije umutwe wa M23 gufata ibice bitandukanye muri za teritware ya Masisi, Rutshuru, Nyiragongo, Walikale ndetse n’i Kalehe muri Kivu y’Amajy’epfo.
Ndetse hakaba hari n’amashusho aheruka gusakazwa ku mbugankoranyambaga agaragaza abasirikare ba Afrika y’Epfo, bazamura ibendera ryera basaba uyu mutwe wa M23 ko wabaha agahenge mu mirwano bahanganyemo.
Ibyarafashwe nko gutsindwa kw’uyu muryango wa SADC ndetse byatumye igihugu cya Afrika y’Epfo gisohora itangazo byihuse, gisobanura kuri icyo gikorwa cyari cyafashwe nko kuneshwa gukomeye.
Hagataho, ingabo z’uyu muryango zimaze gupfira mu ntambara zirimo muri Kivu Yaruguru, zibarirwa mu mirongo.
