• About Us
  • Privacy Policy
Saturday, November 21, 2026
  • Login
Minembwe Capital News
  • Home
  • Conflict & Security
  • Regional Politics
  • World News
  • sport & entertainment
No Result
View All Result
  • Home
  • Conflict & Security
  • Regional Politics
  • World News
  • sport & entertainment
No Result
View All Result
Minembwe Capital News
No Result
View All Result
Home Regional Politics

Qatar mu Mugambi Mushya ku Kibazo cya RDC: Ibiri Gutegurwa i Doha Bikomeje Gukurura Amatsiko!

Bahanda Bruce by Bahanda Bruce
November 21, 2026
in Regional Politics
0
Qatar mu Mugambi Mushya ku Kibazo cya RDC: Ibiri Gutegurwa i Doha Bikomeje Gukurura Amatsiko!
60
SHARES
1.5k
VIEWS
Share on FacebookShare on TwitterShare on Whatsapp

Qatar mu Mugambi Mushya ku Kibazo cya RDC: Ibiri Gutegurwa i Doha Bikomeje Gukurura Amatsiko!

Minembwe Capital News (MCN)

Ibikorwa by’ubuhuza bwa Qatar bigamije gushakira umuti wa politiki n’umutekano amakimbirane yo mu burasirazuba bwa Repubulika Iharanira Demokarasi ya Congo (RDC) byatangiye gufata indi ntera, nyuma y’uko Qatar igiranye ibiganiro bya mbere n’impande zirebwa n’ayo makimbirane, zirimo Leta ya Kinshasa n’umutwe wa politiki n’igisirikare wa Front pour la Refondation de la Nation (FRN).

Amakuru Minembwe Capital News (MCN) yahawe mu gitondo cyo kuri uyu wa Gatandatu, tariki ya 21/11/2026, n’umwe mu bayobozi ba FRN, avuga ko abahuza ba Qatar bari gutegura icyiciro gikurikiraho cy’ibiganiro bya Doha. Ibi bibaye mu gihe impande zombi zongeye kugaragaza ubushake bwo gukomeza inzira y’amahoro no kubahiriza ibyo zari zumvikanyeho mu biganiro byabanje.

Iyi ntambwe nshya ije mu gihe hari impinduka zikomeye mu rwego rwa politiki na dipolomasi, zirimo kuba Joseph Kabila yarahawe inshingano zo kuyobora FRN.

Nk’uko ayo makuru akomeza abivuga, ibiganiro biteganyijwe gusubukurwa mu byiciro bitandukanye. Guhera mu cyumweru gitaha, hazatangira inama zizakorwa hifashishijwe ikoranabuhanga, zizibanda ku gushaka uburyo bwo guhagarika imirwano. Nyuma y’izo nama, hazakurikiraho ibiganiro bitaziguye bizabera i Doha muri Qatar, nubwo itariki nyayo bizatangiriraho itaragenwa.

Ibyo biganiro bizahuza intumwa za Leta ya Kinshasa n’iza FRN. Qatar, Leta Zunze Ubumwe za Amerika n’u Busuwisi bizagira uruhare mu koroshya no kuyobora imishyikirano, mu gihe Umuryango wa Afurika Yunze Ubumwe (UA) na Togo bizitabira nk’indorerezi.

Ku rundi ruhande, ikibazo cyo guhagarika imirwano kiracyafite imbogamizi, kuko kugeza ubu nta cyemezo gifatika kiratangazwa cyemeza ko imirwano igiye guhagarara. Nubwo abahuza bagaragaza ko hari ibimenyetso bitanga icyizere, ibiganiro biracyari mu ntangiriro.

Icyakora, ku kibazo cy’abantu bafunzwe, bigaragara ko hari intambwe ishimishije imaze guterwa. Amakuru MCN yahawe avuga ko hari gutegurwa ikindi gikorwa cyo kurekura imfungwa, aho hasigaye gukemura ibibazo bijyanye n’imitegurire yacyo n’ibindi bisabwa kugira ngo gishyirwe mu bikorwa.

Muri rusange, ibikorwa by’ubuhuza bwa Qatar bigamije gusubukura ibiganiro bya politiki hagati ya Kinshasa na FRN, kugera ku guhagarika imirwano, koroshya ikibazo cy’abafunzwe no gushaka igisubizo kirambye cy’amakimbirane amaze igihe mu burasirazuba bwa RDC.

Nubwo impande zombi zongeye kugaragaza ubushake bwo gukomeza inzira y’amahoro, intambwe ikomeye isigaye ni ukureba niba ibyo byemezo n’ibiganiro biteganyijwe bizatanga umusaruro ugaragara mu gukemura ikibazo cy’umutekano no kugera ku ihagarikwa ry’imirwano.

Minembwe Capital News (MCN)

Tags: DohaibiganiroRdc

Minembwe Capital News

MINEMBWE DUTANGAZA AMAKURU ATOHOJE KANDI YIZEWE Y'I MULENGE NO MU KARERE, NDETSE NO KU ISI HOSE.

CATEGORIES

BROWSE BY TAG

Conflict & Security Regional Politics Religion Shop & Explore sport & entertainment Uncategorized World News
  • About Us
  • Home
  • Privacy Policy

© 2026 Minembwe Media.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Home
  • Regional Politics
  • Conflict & Security
  • World News
  • About Us
    • Privacy Policy

© 2026 Minembwe Media.

Not enough quota to unlock this post
Unlock left : 0
Are you sure want to cancel subscription?