Sio.Edinasi, umusirikare uri mu batabarukiye i Lubumbashi bazira uko baremwe
Sio.Sebagabo Rwambara war’uzwi cyane ku izina rya Edinasi, yatabarukanye n’abandi i Lubumbashi mu cyahoze ari Katanga, kuri ubu ni mu ntara ya Haut-Katanga, bazize ubwoko bwabo Abanyamulenge cyangwa se Abatutsi.
Mu kwezi kwa munani, ahagana mu ntangiriro zako, umwaka wa 1998, ni bwo Afande Edinasi yishwe, yicanwa n’abandi basirikare bari i Lubumbashi bavuga ururimi rw’ikinyarwanda, aho bishwe n’abasirikare ba Laurent Desire Kabila wabaye perezida wa RDC kuva mu 1997 kugeza muri 2001.
Minembwe Capital News yamenye neza ko Afande Edinasi ari mu basirikare bishwe mbere i Lubumbashi, kandi ko yicanywe n’abamurindiraga umutekano (Escort).
Abo barimo Muheto Bahanda wahoraga hafi ye cyane, Jean Pierre Kadahurwa n’abandi.
Mu buhamya twahawe n’uwarokotse ubwo bwicanyi, Ntaremerwa Notable na we wari mu ma Escort ya Sio.Edinasi, yavuze ko uyu musirikare, mbere y’uko yicwa yahamagawe kwa Komanda brigade, ahageze, abarinzi be babakuraho intwaro, ubundi batangira kubakorera iyicarubuzo.Biza kurangira bishwe, ndetse kubera ko icyo gihe hari umwuka wo kwica Abatutsi n’abandi benshi biciwe mu bindi bice bitandukanye byo muri iki gihugu.
Yanavuze kandi ko nyuma y’iyicwa rya Edinasi, hakurikiyeho guhunga kw’abasirikare bari hirya no hino muri Lubumbashi bavuga ururimi rw’ikinyarwanda, kubera ko Zambia iri hafi aho bayihungiyemo. Bayigezemo babona kwerekeza iwabo muri Kivu y’Amajyepfo na Kivu Yaruguru.
Uyu mutangabuhamya yavuze kandi ko nubwo komanda
Brigade wari i Lubumbashi icyo gihe yishe Afande we n’abasirikare be, muri iyi brigade, Edinasi yarayifitemo inshingano zibiri, iyo kuba yari pisi (PC brigade) wayo, akaba kandi ari na we warushyizwe ikosi zose (sio course).
Sio-Edinasi yinjiye igisirikare cy’inkotanyi mu mwaka wa 1993, akaba yaracyinjiye avuye i Bujumbura mu Burundi, aho yarasanzwe akorera akazi k’Ubwalimu; ni mu gihe Leta y’u Burundi y’icyo gihe yarimo yica Abatutsi. Binavugwa ko hanishwe abatari bake, barimo n’Abanyamulenge bari barabugiyemo kubushakamo imirimo.
Buriya buhamya bukomeza buvuga ko Edinasi yarwanye intambara mu Rwanda, hafi rwenda gufatwa rwose. Bivuze ko yarwanye izanyuma.
Mu 1996 yambutse mu basirikare batabaye Abanyamulenge n’Abatutsi bose muri rusange bari kuruhembe rwo kurimburwa n’Ingabo za Mobutu mu Burasirazuba bwa Repubulika ya demokarasi ya Congo. Icyo gihe iki gihugu cyitwaga Zaïre.
Edinasi kimwe n’abandi basirikare ba Banyamulenge bambutse muri RDC, bararwana batsinda Ingabo za Mobutu, banahirika ubutegetsi bwe, bashyiraho ubundi bushya bwa Laurent Desire Kabila, ari nabwo bwaje kubahinduka burabica.
Abatariciwe i Lubumbashi biciwe mu zindi ntara, Kinshasa, Bas-Congo, Kisangani n’ahandi.
Edinasi wishwe azira ubwoko bwe, bivugwa ko yarangwaga n’ubutwari ku rugamba, ubundi kandi yagiraga ijambo dore ko ari na we warushyizwe gusubizamo abasirikare moral.
Sibyo gusa twahawe mu buhamya, kuko kandi buvuga ko yari umugabo w’inyangamugayo, ndetse kandi wakundaga igihugu cye n’ubwoko bwe.
Mu ijuru yagiye, ni ho heza kuruta isi ituwe, kuko yuzuye imihangayiko.
