Twirwaneho yemeje urupfu rw’intwari y’Abanyamulenge igaragaza naho umwanzi yaturutse.
Itsinda rya Twirwaneho ririho mu kurengera abaturage bo mu bwoko bw’Abanyamulenge bicwa n’ubutegetsi bwa perezida Félix Tshisekedi, ryemeje urupfu rwa Jenerali Rukunda Michel wamenyekanye ku izina rya Makanika, rinihanganisha n’Abanyamulenge bose muri rusange kubwo kubura iyi intwari yabo.
Kuva ku mugoroba wo ku wa Gatatu tariki ya 19/02/2025, nibwo inkuru zivuga iby’urupfu rwa Gen. Makanika zatangiye gucicibikanakumbugankoranyamba zivuga ko uyu musirikare yapfuye.
Ni amakuru yavugaga ko yapfuye arashwe na drone y’ingabo za Repubulika ya demokarasi ya Congo, aho yateye ibisasu aho yarari i Gakangala mu Minembwe mu misozi miremire y’Imulenge muri Kivu y’Amajy’epfo.
Twirwaneho ibinyujije mu itangazo yaraye ishize hanze mu ijoro ryaraye rikeye rishyira kuri uyu wa gatanu yemeje ko iyi ntwari y’Abanyamulenge yapfuye.
Muri iryo tangazo yagize iti: “Ubuyobozi bwa Twirwaneho bu babajwe no kumenyesha Abanyamulenge bose , Abarwanashaka ba Twirwaneho , by’umwihariko inshuti n’abavandimwe ko Jenerali Rukunda Michel Makanika yatabarutse.”
Rikomeza rigira riti: “Turihanganisha umuryango we, n’abandi bose bari hirya no hino.”
Iritangazo risoza rimenyesha ko urugamba rwo kwirwanaho rwatangijwe na Jenerali Rukunda Michel Makanika rukomeje. Kandi ibikorwa by’iyi ntwari, Twirwaneho izakomeza kubiharanira.”
Muri iri tangazo kandi riteweho umukono n’umuvugizi wa Twirwaneho, Ndakizi Welcome Kamasa, uyu muvugizi yari garagajemo ko drone yishe Makanika yaturutse i Kisangani ahari icyicaro gikuru cya zone ya gatatu y’ingabo za Repubulika ya demokarasi ya Congo(FARDC).
Jenerali Rukunda, yari umwe mu basirikare ba Banyamulenge bababajwe nakarengane gakorerwa Abatutsi muri RDC, kuko yabigaragaje ubwo yikuye mu gisirikare aja kurwanirira ubwoko bwabo i Mulenge mu 2019.
