Ubutumwa bwa Khamenei Bushobora Guhindura Isi: Iran Yiteguye Kwibasira Inyungu za Amerika na Israel!
Minembwe Capital News (MCN)
Umuyobozi w’Ikirenga wa Iran, Mojtaba Khamenei, yihanangirije Leta Zunze Ubumwe za Amerika na Israel, avuga ko igihugu cye gishobora kugaba ibitero ku nyungu zabyo aho ziherereye hose ku Isi, mu gihe byakongera kugishotora cyangwa kugaba ibitero ku butaka bwacyo.
Mu mabwiriza yahaye igisirikare cya Iran, Khamenei yategetse ko hakorwa urutonde rw’ahantu hose ku Isi hari inyungu za Amerika na Israel, kugira ngo ibyo bihugu n’ibikorwa bifitanye isano na byo bishyirwe mu igenamigambi rya gisirikare rya Iran.
Iri tegeko rigaragaza ko Tehran ishaka kwagura uburyo itegura ibikorwa byayo byo kwirwanaho no kwihorera, aho kutagarukira gusa ku ntego ziri mu karere ka Middle East, ahubwo ikanita ku nyungu za Washington na Tel Aviv ziri mu bindi bice by’Isi.
Khamenei yashimangiye ko Iran itazemera ko igitero icyo ari cyo cyose kiyigabweho gisigara kidashubijwe. Yagaragaje ko igisirikare cy’igihugu cye kigomba guhora cyiteguye gutanga igisubizo mu gihe Amerika na Israel byakongera kugaba ibitero kuri Iran.
Aya magambo aje mu gihe umwuka ukomeje kuba mubi hagati ya Tehran, Washington na Tel Aviv, ibihugu bimaze igihe bifitanye amakimbirane akomeye mu bya politiki n’ibya gisirikare. Iran yakomeje kwamagana ibikorwa bya gisirikare bya Amerika na Israel, mu gihe na byo bishinja Tehran kugira uruhare mu guteza umutekano muke mu karere.
Icyemezo cya Mojtaba Khamenei gishobora kurushaho gukaza umwuka w’aya makimbirane, cyane cyane ko Iran igaragaje ubushake bwo kwagura urutonde rw’ahantu ishobora kwibasira mu gihe habayeho kongera guhangana mu buryo bwa gisirikare.
Nubwo aya magambo ari umuburo ukomeye Tehran yahaye Washington na Tel Aviv, ibizakurikiraho bizaterwa n’ibyemezo impande zombi zizafata, ndetse n’uko inzira za dipolomasi zizagenda.
Minembwe Capital News (MCN)