Uganda: Bobi Wine yiswe Umurundi.
Umunyapolitiki, Robert Ssentamu uzwi cyane nka Bobi Wine, akaba arwanya ubutegetsi bwa perezida Yoweli Kaguta Museveni wa Uganda, yiswe Umurundi.
Bikubiye mu butumwa bwatanzwe n’Umugaba mukuru w’Ingabo za Uganda, General Kainarugaba Muhoozi, akoresheje urubuga rwa x, yagize ati: “Kabobi(nk’uko akunze ku mwita), si akanya-Uganda, ni Umurundi.”
Uyu mugaba mukuru w’Ingabo za Uganda, unagize iminsi yigamba kuzata muri yombi Bobi Wine, yongeye ati: “Tuzamwigishiriza uruganda mu ndake.”
Nyamara, Gen. Muhoozi si we ubaye uwa mbere wise Bobi Wine Umurundi, kuko ubushize na Frank Gashumba ukuriye abanya-Uganda bafite inkomoko mu Rwanda yavuze ko afite ibihamya byuko ari Umurundi.
Gashumba avuga ibi hari mu mwaka wa 2023, ari kuri Televisiyo ya NBS, yagize ati: “Abantu benshi biyita Abaganda, ariko si bo. Nka Kyagulanyi ndabizi ko afite inkomoko mu Burundi, ndetse akaba ari Umurundi ijana ku ijana.”
Kugeza ubu ntacyo Bobi Wine arasubiza kubyo avugwaho, ariko inshuro nyinshi uyu munyapolitiki akaba n’Umuhanzi yakunze kuvuga ko akomoka mu bwoko bw’Abaganda.