Umuhungu wa Tshisekedi yarasiye abantu mu kabari
Umuhungu wa perezida Felix Tshisekedi wa Repubulika ya demokarasi ya Congo, biravugwa ko yarasiye abantu mu kabari i Kinshasa ku murwa mukuru w’iki gihugu.
Iki gikorwa bivugwa ko uyu muhungu w’umukuru w’igihugu cya RDC, yagikoze mu rukerera rwo kuri uyu wa gatandatu tariki ya 04/10/2025.
Nk’uko aya makuru abivuga nuko yashwaniye muri kamwe mutubari two mu mujyi wa Kinshasa akarasa abantu.
Amashusho yakwirakwijwe ku mbugankoranyambaga agaragaza abo bivugwa ko bari muri ako kabari barimo barwana no kugasohokamo, akaba ari no muri icyo gihe yagize abo arasa bagakomereka.
Akabari neza yabarasiyemo ni akitwa Nuovo gaherereye muri komine ya Gombe i Kinshasa.
Kugeza ubu ntacyo polisi y’i Kinshasa iratangaza kuri aya makuru, ariko amakuru yo ku ruhande avuga ko yarashe abantu batatu, muri bo umwe arakomereka bikabije.
Binavugwa kandi ko mbere y’uko uyu muhungu wa Tshisekedi witwa Antony Tshisekedi atangira kurasa yabanje gushwana n’uwitwa Jessy Bukasa.
Byanavuzwe kandi ko uyu Anthony akunze kugaragara mu tubari two mu mijyi ikomeye yo hirya no hino ku isi ashwana n’abo basangira.
Hari n’umwe mu banyamakuru bari i Kinshasa watanze ubutumwa avuga ko yiboneye Anthony ashwanira mu tubari 2.
Yagize ati: “Si ubwa mbere uyu muhungu wa Tshisekedi ashwanira mu tubari, ubwanjye njyenyine maze ku mwibonera inshuro 2.”
