Ku wa Mbere, tariki 11/12/2023, Abagabo ba Banyamulenge bari bikoreye igipoyo cy’u mukecyuru, wo mu Kinyoni, muri Grupema ya Bijombo, bagabweho igitero n’inyeshamba zo mu mutwe wa Maï Maï.
Kiriya gitero cya Maï Maï, bakigabye ubwo bariya bagabo ba Banyamulenge bari bageze mugace ko muri Localité Kirungwa, Grupema ya Kijaga, muri Cheferie ya Bavira, teritware ya Uvira, mu Ntara ya Kivu y’Amajy’epfo, mu Gihugu ca Republika ya Demokarasi ya Congo.
Kubwa mahirwe bariya Banyamulenge bari bikoreye igipoyo cy’u mukecyuru wo mu Kinyoni, baje gutabarwa n’Abasirikare ba FARDC bavuga ururimi rw’Ikinyarwanda, boherejwe mu Ntara ya Kivu y’Amajyaruguru, kurwanya umutwe wa M23.
Fidel Gasongo yabwiye Minembwe Capital News, ati: “Uriya mukecyuru ni umudamu wa Yonazari Sekinenwa, bari bamwikoreye bamujanye ku bitaro i b’Uvira.”
Yakomeje avuga ati: “Imana yakinze ukuboko Maï Maï ubwo yari tangiye kurasa hahise hagera abasirikare ba FARDC bavuye mu Gateja, muri Grupema ya Bijombo, barimo abavuga ururimi rw’Ikinyarwanda boherejwe i Goma, kurwanya M23.”
Aha ku musozi wa Kirungwa uhuza imisozi y’Imulenge na Uvira, hagize igihe harasirwa Abanyamulenge, barimo abapolisi ba biri baheruka kuhicirwa bazira ko ari Abanyamulenge ndetse na Dr Kimararungu Merci wahiciwe mu mpera z’u mwaka w’2022.
Bruce Bahanda.
