Umukuru w’igihugu cy’u Rwanda, Paul Kagame yageneye Donald Trump ubutumwa.
Perezida Paul Kagame w’u Rwanda yageneye Donald Trump ubutumwa watsindiye kongera kuyobora Leta Zunze Ubumwe z’Amerika nyuma yo gutsinda Kamala Harris.
Trump atorewe kuba perezida wa 47, wa Leta Zunze Ubumwe z’Amerika.
Mu butumwa perezida w’u Rwanda yamugeneye aho yabunyujije kurukuta rwa x na Instagram ku mugoroba wo kuri uyu wa Gatatu tariki ya 06/11/2024, yagize ati: “Perezida watowe Donald Trump, ndagushimiye cyane mu izina rya Guverinoma n’abaturage b’u Rwanda ku gutorwa kwawe kw’amateka kandi gukomeye nka perezida wa 47 w’Amerika.
Ubutumwa bwawe busobanutse bwahoze ari uko Leta Zunze Ubumwe z’Amerika ikwiye kuba umufatanyabikorwa w’amahitamo, uhamagarira abandi kuyifatiraho kubona ibintu nkayo no kubaho mu nyungu rusange z’ibihugu byombi mu myaka iri imbere.”
Abandi bageneye ubutumwa bwana Donald Trump barimo na minisitiri w’intebe wa Israel, Benjamin Netanyahu, yagize ati: “Intsinzi yawe y’amateka iguhesheje gusubira muri White House iraha Amerika uburyo bushya bwo kwisuganya no kongera gushimangira umubano uhamye hagati ya Israel na Amerika. Iyi ni intsinzi ya karandura.”
Trump wo mu ishyaka ry’Abarepubulikani yegukanye umwanya w’umukuru w’igihugu muri Leta Zunze Ubumwe z’Amerika atsinze Kamala Harris bari bahanganye wo mu ishyaka ry’Abademokarate. Ninyuma yokubona amajwi 277, mu gihe Kamala Harris afite 224.
Nubwo amajwi akiri kubarwa, Donald yamaze kwegukana amajwi ya “Electoral college” 270 asabwa kugira ngo umuntu atsinde amatora y’umukuru w’igihugu muri Leta Zunze Ubumwe z’Amerika.