Umupolisi uri ku rwego rwo hejuru mu gihugu cya Kenya yarasiye umucamanza mu rukiko.
Ni umupolisi w’ipeti rya ‘Chief Inspector of Police’ yarashe umucamanza mukuru Monica Kivuti wo mu rukiko rwa Makadara, nyuma gato yuko afashe icyemezo mu rubanza amakuru avuga ko umugore we aregwamo.
Bivugwa ko uwo mupolisi mu kuru yarakajwe n’icyemezo cy’urukiko cyo kuburizamo gufungurwa by’agateganyo kw’umugore we nyuma yuko yari yarabuze.
Uwo mupolisi byatangajwe ko yitwa Kipchirchir Kipruto, ukuriye station ya polisi yo mu mujyi wa Londoniani, mu Burengerazuba bwa Kenya, yahise asohora imbunda arasa umucamanza aramukomeretsa.
Abandi bapolisi bakuru bari mu rukiko basubije ako kanya, umwe muribo arasa uwo mupolisi mukuru watangiye kurasa, aramwica.
Muri ako kurasana, abandi bapolisi bakuru batatu bakomeretse, nk’uko bikubiye muri raporo ya Polisi y’ukuntu byagenze.
Uwo mucamanza n’abapolisi bakuru bakomeretse barimo kuvurirwa mu bitaro rwo muri ibyo bice.
Urwego rw’ubugenzacyaha rwa Kenya rwavuze ko uwo mucamanza yasabye kurekurwa by’agateganyo hatanzwe ingwate ku muntu ushinjwa utaritabye urukiko ndetse wari wananiwe gutanga ibisobanura bishimishije ku kutitaba urukiko.
Itangazo ry’urwo rwego ryagize riti: “Ako kanya yarashe umucamanza amukomeretsa mu mayunguyungu.”
Iryo tangazo rya vuze ko amakuru y’ibanze avuga ko uwarashe ni umupolisi mukuru washakanye n’ukekwa.”
Polisi ya Kenya yavuze ko uwo mupolisi mukuru yari mu rukiko ku mpamvu zitazwi.
Iyi polisi yanavuze ko iperereza rikomeje kugira ngo hamenyekane icyateye uko kurasa.
Urwego rw’ubugenzacyaha rwavuze ko ruzavugurura ingamba z’umutekano ndetse rwijeje umutekano abakozi bo mu bucamanza n’abandi bagana inkiko.
Umwanditsi mukuru w’ubucamanza Winfridah Mokaya yagize ati: “Nk’umuryango w’ubucamanza, twifurije mugenzi wacu gukira vuba. Tunihanganishije umuryango w’umupolisi mukuru wapfiriye muri ibi byabaye bibabaje.
MCN.
