Umutwe wa M23 wabohoje utundi duce two muri Lubero.
Ahar’ejo ihuriro ry’ingabo za Repubulika ya demokarasi ya Congo, ryahanganiye bikomeye n’umutwe wa M23 mu duce duherereye muri teritware ya Lubero, mu Ntara ya Kivu Yaruguru. Uru ruhande rwa Leta rwa mburwa n’uduce tubiri two muri iyi teritware.
Ni imirwano amakuru ava muri ibyo bice yemeza ko yari komeye, ndetse kandi ikaba yaririje umunsi wose impande zombi zigihanganye.
Uduce bivugwa ko uyu mutwe wigaruriye, hari akitwa Miobwe na Katwa iherereye mu birometero nka bitanu uvuye muri centre ya komine Kirumba.
Iyi mirwano ikaba yarabaye ubwo Fardc n’abambari bayo bagerageje gutera ibirindiro bya M23 bya Kikubo, Hutwe na Matembe, ariko M23 ikaza kwirwanaho ibisubiza inyuma, nk’uko iy’inkuru ikomeza ibivuga.
Kuva mu cyumweru gishize, muri iyi teritware ya Lubero hakomeje kuba ihangana rikomeye ku ruhande rw’ihuriro ry’ingabo zirwana ku ruhande rwa Leta n’umutwe wa M23.
Gusa, buri ruhande rushinja urwabo kuba nyirinayazana. Ni mu gihe impande zombi zirebwa n’amasezerano ya gahenge kemeranyijweho mu biganiro by’i Luanda.
Kimwecyo M23 iheruka gutangaza ko yo itarebwa n’amasezerano y’i Luanda ngo kuko uruhande rwa Leta ruyitwikira rukaboneraho kuyigabaho ibitero. Bityo uyu mutwe uvuga ko witeguye gusanga ihuriro ry’ingabo za RDC ku birindiro riturukamo riwugabaho ibitero.
Si muri Lubero gusa havugwa imirwano, hubwo no muri za teritware za Rutshuru na Masisi; ku munsi w’ejo hashize aba barwanyi bo mu mutwe wa M23 bigaruriye uduce twinshi two muri izo teritware, ahanini muri Masisi.