Ubutegetsi bw’igihugu cya Israel bwongeye kuvuga bushize amanga ku byo bugiye gukora nyuma y’uko Iran ibagabyeho igitero gikaze.
Ni bikubiye mu jambo minisitiri w’intebe wa Israel, Benjamin Netanyahu yatanze kuri uyu wa Gatatu, tariki ya 17/04/2024.
Ntagushidikanya Netanyahu yavuze ko ntakabuza leta ye, igomba kuza hora.
Yagize ati: “Israel izakora ibishoboka byose kugira ngo yirwanaho.”
Ijambo rya Benjamin Netanyahu rije mu gihe amakimbirane hagati ya Iran na Israel akomeje kubamo umwuka mubi.
Benjamin Netanyahu ibi kandi yabivuze mu gihe kuri uyu wa Gatatu yari yagiranye ibiganiro bidasanzwe aho yari yabikoranye na minisitiri w’intebe w’u Bwongereza, bwana David Cameron ndetse na Annalena Baebock, minisitiri w’intebe w’u Budage.
Ibinyamakuru byo muri icyo gihugu byavuze ko aba bayobozi bombi bari baje guha i Nama Israel icyo yakora kugira ihore kuri Iran iheruka kuyigabaho igitero kidasanzwe.
Mu ijambo rya Benjamin Netanyahu yanashimiye bagenzi be bamubaye hafi aho yagize ati: “I Nama zanyu ndazishima, ariko kandi ndashaka kumvikanisha ibyemezo byacu tuzabifata vuba.”
Ku mu goroba wo ku wa Gatandatu, w’i Cyumweru dusoje, nibwo Iran yagabye kuri Israel ibitero bikaze, ikoresheje indege z’intambara zitagira abapilote ndetse na za Misile.
Gusa leta ya Amerika yavuze ko yatabaye Israel ndetse ibasha no gupfubya ibisasu hafi yabyose Iran yari yagabye kuri iki gihugu.
Nyuma Iran yigambye iki gitero ariko itangaza ko nta kindi gitero yenda gukora mu gihe Israel itohora, kandi ivuga ko kiriya gitero yagikoze mu rwego rwo guhorera abasirikale babo barasiwe kuri ambasade yabo iri muri Siriya, abo ivuga ko barashwe n’igisirikare cya Israel.
MCN.
