Inyeshamba ninshi zirwanya ubutegetsi bwa leta ya Centrafrique zahungiye mu gihugu cya Repubulika ya demokarasi ya Congo.
Ni byatangajwe n’umuyobozi wa teritware ya Ango ho mu Ntara ya Bas-Uele, mu gihugu cya Congo Kinshasa.
Yavuze ko abarwanyi benshi barwanya ubutegetsi bwa Repubulika ya Centrafrique ko bisutse ku bwinshi ku butaka bw’iki gihugu cya RDC.
Avuga kandi ko izi nyeshamba zimaze iminsi irenga irindwi ziri guhungira muri ibi bice zihunze ibitero zagabweho n’igisirikare cya Centrafrique zifatanije n’izu Burusiya.
Yakomeje avuga ko izi nyeshamba ko zimaze kugera mu bice byinshi byo muri iy’i Ntara ya Bas-Uele, avuga ko zahageze zivuye ahitwa Zemio na Mboki, muri Centrafrique.
Yagize ati: “Inyeshamba zo muri Centrafrique zinjiye ku butaka bwacu zivuye muri Zemio na Mboki. Zimwe zinjiriye ku mupaka wa Congo na Centrafrique muri teritware ya Ango, izindi zinjirira muri teritware ya Bondo. Mu minsi mike ishize, Abarusiya n’Ingabo za Centrafrique bemeranyije ku rwanya izi nyeshamba zikorera muri Zamio na Mboki.”
Bivugwa ko izi nyeshamba ko zatangiye guhungabanya bikomeye umutekano wo muri izi teritwari, kuko ngo abazituyemo batewe ubwoba n’imbunda ziri kwinjirana.
Yagize ati: “Umutekano wahungabanye cyane muri Ango na Bondo, abaturage bafite ubwoba kuko izo nyeshamba zambuka, ziba zifite amasasu n’imbunda mu ntoki.”
Abaturage baturiye ibyo bice banabwiye itangaza makuru ko izi nyeshamba ziri gushimuta Abanyakongo, ndetse kandi ngo zigasahura imiti mu mavuriro n’ibindi.
MCN.