Abanyamulenge bongeye kwishimira gusubukurwa kw’ingendo z’indege Minembwe-Bukavu, nyuma yuko zari zahagaritswe bikozwe n’inzego zishinzwe umutekano.
Ni bikubiye mu butumwa bamwe mu baturage ba Banyamulenge bahaye Minembwe Capital News, buvuga ko urwego rwa leta ko
rwongeye guhangura indege kongera gusubukura ibikorwa by’ingendo zo mu kirere mu misozi miremire y’Imulenge.
Ubu butumwa buvuga ko iminsi yaribaye 56 indege zijana abagenzi zihagaritswe mu Minembwe, ni mu gihe inzego z’u mutekano zari zahagaritse iz’indege ngo kubera ko bakeka ko zijana ibintu bitizewe.
Kuba izi ngendo zongeye gusubukurwa abaturage babyishimiye.
Bagize bati: “Iki kibazo cyari kitugoye. Ariko uyu munsi bahanguye ko indege zitangira kujana abagenzi.”
Bakomeje bavuga bati: “Twebwe inzira z’amaguru zapfuye kera kubera zinyura muri Maï Maï. Izi kirere nazo zari zifunzwe, ariko twishimiye kongera kubona indege zongeye kugenda. Abaturage bari mu kaga.”
Nyuma yuko inzego zishinzwe umutekano zari zimaze guhangura ko indege zisubukura ingendo, uy’umunsi indege yahise ijana abantu 14 barimo abarwayi barembye cyane 6 abandi 8 bari barwaye bitari cyane, nk’uko aba baturage bakomeje babivuga.
Tubibutsa ko indege zari zahagaritswe ku itariki ya 16/04/2024, ngo bitewe nuko ngo zishobora kuba zitwara ibintu bitizewe.
MCN.
