Donald Trump wahoze ari perezida wa Leta Zunze Ubumwe z’Amerika yarashwe arakomereka.
Ni Donald Trump wakomeretse ubwo yari mu gikorwa cyo kwiyamamaza, kuri uyu wa Gatandatu tariki ya 13/07/2024.
Amakuru dukesha Washington Post avuga ko “Donald yarasiwe mu gace ka Butler, muri Pa, nko mu birometero 30 uvuye mu majyaruguru ya Pittsburgh. Aho yari mu gikorwa cyo kwiyamamaza ku mwanya w’u mukuru w’i gihugu.”
Iki gitangaza makuru cyanavuze ko bwana Trump wahoze ari perezida w’Amerika ko “yarashwe ku gutwi kw’iburyo arakomereka bidakabije.”
Kandi ko nyuma y’uko yari amaze gukomereka yahise ajanwa hanze ya sitade yarimo yiyamamarizamo, ibyo byabaye rugikubita.
Ariko abagera kuri babiri bo bahasize ubuzima bazize iraswa rya masasu yarimo araswa ubwo Trump yarimo yiyamamaza.
Ibi byamaganwe n’abenshi ku mbuga nkoranya mbaga, barimo uwitwa Gabriel Giffords yigezeho kuba umudepite muri Arizona, akoresheje urubuga rwe rwa X, yagize ati: “Ihohoterwa rya politiki riteye ubwoba. Ndihanganisha uwahoze ari perezida, Trump, n’abagize ingaruka bose ku bikorwa by’urugomo. Mu menye kw’ibi bitemewe muri iki gihugu. Turabyamaganye.”
Naho uwitwa Johnson yanditse agira ati: “Iki gikorwa giteye ubwoba cy’ihohoterwa rya politiki mu gikorwa cyo kwiyamamaza kwa Trump. Iki gikorwa kigayitse nta mwanya gifite muri Amerika kandi kigomba kwa maganwa.”
Ntabyinshi biratangazwa kuri iki gitero, gusa amakuru avuga ko mubagabye icyo gitero babiri muribo bahasize ubuzima.
MCN.
