Ibyo wa menya ku ntambara ikaze yaraye ibaye hagati ya Twirwaneho n’ingabo za FARDC mu misozi miremire y’Imulenge.
Ni intambara yaraye ibaye mu ijoro ryakeye rishira kuri uyu wa Gatandatu tariki ya 17/08/2024, aho yarimo ibera muri Grupema ya Bijombo ahazwi nko ku Ndondo, muri teritware ya Uvira, nyuma y’uko Twirwaneho yari funguje ku mbaraga umusore wari wafunzwe na FARDC.
Ahagana ku wa Kane tariki ya 15/08/2024, ingabo za FARDC zikorera mu bice byo ku Ndondo ya Bijombo zahohoteye umusore w’Umunyamulenge, ndetse ziza no ku mufunga, ariko uwo munsi nyirizina abasore bo muri Twirwaneho baja ku mubohoza ku mbaraga.
Amakuru yavuzwe n’abaturage baturiye ibyo bice, ari nabo MCN ikesha iy’inkuru, avuga ko nyuma y’uko Twirwaneho yari yabohoje uriya musore wo mu Muhana wo kw’Irango wari wafunzwe na FARDC imuhohoteye, aha r’ejo rero Ingabo za FARDC zahise zigaba igitero mu Muhana wo kw’Irango mu rwego rwo kugira ngo yirukane Twirwaneho muri ako gace.
Amakuru akomeza avuga ko Twirwaneho yahise ihagurukira rimwe maze barwanya ingabo za leta ya Kinshasa zari zagabye iki gitero mu Muhana wo kw’Irango.
Nk’uko byavuzwe, FARDC yaje gukizwa n’amaguru, ariko abagera kuri batatu bo muribo barakomereka, mu gihe Twirwaneho yo, byavuzwe ko imirwano yarangiye ntawe uhagiriye ikibazo.
U Muhana wo kw’Irango uri hagati yo ku Wumugethi na Kagogo, ukaba kandi utari kure no kuri Nyakirango.
Iy’i mirwano hagati ya FARDC na Twirwaneho, ibaye mu gihe hari hatarashira ukwezi kumwe barwaniye kandi mu bice byo ku Murambya hatari kure no kw’Irango, aho icyo gihe ho barwanye bivuye ku kwikangana ni mu gihe impande zombi zari zihuriye ahantu hari akabira kandi zihura mu buryo butunguranye. Uko kurasana kwabaye kuri izi mpande zombi, byasize umusirikare umwe wa FARDC akomeretse, ariko akaba yaraje gupfa aguye mu bitaro bya Uvira aho yari yajanwe ku vurizwa.
Umutekano wo muri ibi bice byo ku Ndondo ya Bijombo ukaba wongeye kuzamba.
MCN.
