Bidasubirwaho agace kari muri Goma FARDC yarisigayemo M23 yakabambuye.
Umujyi wa Goma ufatwa nk’umurwa mukuru w’i Ntara ya Kivu y’Amajyaruguru, umutwe wa M23 wa wigaruriye nyuma y’uko ufashe n’agace ka Gituku kari gasigayemo ihuriro ry’Ingabo zirwana ku ruhande rwa Leta ya Kinshasa muri uyu mujyi wa Goma.
Ahagana isaha z’urukerera rwo kuri uyu wa mbere tariki ya 27/01/2025 ni bwo umuvugizi wa M23 mu bya politiki, Lawrence Kanyuka, yemeje ifatwa ry’uyu mujyi wa Goma.
Yagize ati: “Turasaba abatuye i Goma gutekana. Kubohora uyu mujyi byarangiye rwose, kandi ubu ibintu biri ku murongo mwiza.”
Kanyuka kandi yasabye n’abasirikare ba FARDC kurambika intwaro hasi, kandi bakazishyikiriza ingabo ziri mu butumwa bw’amahoro bw’u muryango w’Abibumbye (MONUSCO).
Ikindi Kanyuka yategetse abasirikare ba FARDC ni uko bihuriza hamwe bakaja muri Stade de l’unite iherereye i Goma mbere ya saa kenda z’urukerera, abamenyesha ko nyuma y’iki gihe ntarengwa, abarwanyi babo bari bube bagenzuye uyu mujyi wose.
Ingabo za Uruguay ziri mu butumwa bw’amahoro bwa LONI zatangaje ko guhera mu masaha y’ijoro, zakiriye abasirikare benshi ba RDC bahunze M23.
Uyu mutwe wa M23 wahagaritse by’agateganyo ibikorwa mu kiyaga cya Kivu na Albert, kugeza ubwo izasoherera irindi tangazo ribisubukura.
Uyu mutwe ufashe Goma nyuma y’iminsi ibiri uhaye ingabo za RDC amasaha 48 yo kuba zarambitse imbunda zabo hasi, mu rwego rwo kwirinda guhindura uyu mujyi ikibuga cy’imirwano.
Ibyo bibaye mu gihe ingabo z’umuryango w’Abibumbye, MONUSCO, iza Afrika y’Amajy’epfo, SAMIDRC, zahoraga zifasha iza RDC kurinda umujyi wa Goma zari zimaze gukuramo akabo karenge, nyuma y’uko M23 yarimaze kubarusha imbaraga.