Girinka, yashimiye M23 na Twirwaneho, ndetse anabagira inama.
Girinka Kabare William ukomoka mu Burasirazuba bwa Repubulika ya demokarasi ya Congo, nyuma y’aho umutwe wa M23 ufashe umujyi wa Goma yawushimiye ashimira na Twirwaneho irwanirira Abanyamulenge mu misozi miremire y’Imulenge, anagerekaho kubagira inama.
Bikubiye mu butumwa bwanditse, uyu mugabo w’Umunyamulenge yahaye ubwanditsi bwa Minembwe.com, ku gicamunsi cyo kuri uyu wa kabiri tariki ya 28/01/2025.
Ubu butumwa bwa Girinka butangira bugira buti: “Mwaramutse mwese ‘Abirwanaho’ aha ndavuga “Twirwaneho na M23.”
Yakomeje agira ati: “Dukomeje gushima imirimo mukora yo kurengera Abanye-kongo bose muri rusange, by’umwihariko abavuga ururimi rw’ikinyarwanda. Mwanze akarengane kabakorerwa, muhitamo ku karwanya, kandi kurwana si yo yari amahitamo ya mbere, ibi byose byatewe na Leta mbi ya Congo itifuriza ineza Abanye-kongo, ahanini abavuga ururimi rw’ikinyarwanda cyane cyane Abatutsi.”
Inyandiko za Girinka zivuga kandi ko hagomba kubaho guharanira uburenganzira bwa muntu n’ihame.
Ati: “Rero, guharanira uburenganzira bwacu ni ihame kandi biri no munshingano, kuko nta wadukunda kuruta uko twikunda. Mbere y’uko turenganura abandi Banye-Kongo tugomba kubanza kwirenganura kugira ngo tudashyiraho.”
Girinka yavuze ko mu gihe habaye gufata ibice bigomba kujyana no gutuza impunzi zigize imyaka 30 mu mahanga, kandi hakanaba no kuzishakira umutekano wazo.
Yanaboneyeho kandi kuvuga ko imishyikirano ari ngombwa , hagati ya M23 na Leta ya Kinshasa.
Ati: “Iyo ngirwa Leta gukora imishyikirano nayo nabyo ni ingimbwa, kuko amahoro araharanirwa. Ariko mu gihe iyo Leta itabishaka, twe tuzashakira Kivu zacu zombi umutekano uzi kwiye.”
Girinka yanagiye inama umutwe wa M23 na Twirwaneho.
Yabanje guca umugani ugira uti: “Amazi na kubwira ko utayiyuhagira nawe uzayabwire ko nta mbyiro ufite! Rero, aho mwafashe muhagumane, muhatsimbarare kugeza ubwo abavuga ururimi rw’ikinyarwanda bazabona uburenganzira bwabo buhagije.”
Yashimangiye ibi maze agira ati: “Ubwiza bw’umukobwa ni bwo bumugeza ibwami, ariko ubwenge bwe ni bwo bugena igihe azahamara. Uwo ni umugeni w’abatubyaye bakaturera.”
Yasoje ubutumwa bwe agira ati: “Kwari ukubashimira ku mirimo myiza mukomeje kutugaragariza. Ndetse n’abandi bakunda ukuri ureke ababyiyitirira batabikora nk’ingabo z’u muryango w’Abibumbye zizwi nka MONUSCO. Ndabashimiye mugire amahoro.”
