Hatanzwe ubusobanuro bwi mbitse ku bandi basirikare ba FARDC baburanishijwe bazira guhunga umutwe wa M23,muri teritware ya Lubero.
Ku wa Kane tariki ya 04/07/2024, abasirikare ba FARDC babarirwa kuri 23, bagejejwe imbere y’urukiko rwa gisirikare ruherereye i Lubero, bashinjwa ibyaha bitandukanye birimo guhunga ubwo M23 yabotsagaho igitutu.
Uru rubanza rwabereye muri centre ya Lubero, nyuma y’urundi rwaciwe ku wa Gatatu; aho abasirikare 25 bakatiwe igihano cy’urupfa bazira guhunga, ni mu gihe M23 yarimaze ku birukana muri Kanyabayonga tariki ya 28/06/2024.
Ubushinjacyaha bwa gisirikare bukuru, muri teritware ya Lubero bwasobanuriye abacamanza ko aba basirikare bagaragaje ubugwari ubwo abarwanyi ba M23 bafataga uduce twinshi two mu majyepfo ya Lubero, barahunga, ndetse kandi ngo basahura n’ibyabaturage.
Bwagaragaje kandi ko muri aba basirikare, harimo abataye imbunda bifashishaga ku rugamba, abishe abaturage, abandi bagasambanya abagore ku ngufu.
Ubu bushinjacyaha bwa gisirikare bwanasobanuye kandi ko “izi manza ziri kuba mu rwego rwo guha isomo abasirikare bari ku rugamba baba bagitekereza guhunga umwanzi,” nk’uko iy’inkuru yatangajwe n’umuvugizi w’igisirikare mu majyaruguru y’i Ntara ya Kivu Yaruguru, Lieutenant Mbuyi Reagan.
MCN..
