Havutse umwuka mubi hagati ya Leta ya Kinshasa n’umuryango wa Lumumba.
Umuryango wa Emery Patrice Lumumba wafashe icyemezo cyo kutitabira umuhango wateguwe n’igihugu wo kwibuka ku nshuro ya 64 iyicwa ry’umubyeyi wabo, Lumumba wabaye minisitiri w’intebe wa mbere muri iki gihugu.
Ni kuri uyu wa gatanu tariki ya 17/01/2025 ibiro ntara makuru by’Abanyekongo, byatangaje ko Roland Lumumba, umuhungu w’intwari y’igihugu, ko yavuze ko umuryango we utitabira umuhango wo kwibuka se ngo kuko Leta yatesheje agaciro imva ya se.
Nk’uko ibiro ntara makuru by’Abanyekongo byabitangaje byavuze ko Roland Lumumba yabibwiye ati: “Nta gikorwa turi bwitabire kijanye no kwibuka intwari y’iki gihugu, Patrice Lumumba. Kuko tuzi neza ko imva ya data Leta yayitesheje agaciro. Misa yo kumwibuka kubera ko turi abakristo tuzayikorera iwacu mu rugo.”
Irimbi ry’intwari y’igihugu, Emery Patrice Lumumba ry’ubatse ahitwa Place de l’Echangeur de Limete muri Kinshasa. Yangirijwe ku ya 19/12/2024.
Amakuru avuga ko ibirahuri byayo byaramenywe, bikaba byarakozwe n’abantu bataramenyekana. Uyu muryango wa Patrice Lumumba ushinja Leta kuba itarakoze iperereza ry’imbitee kuri icyo gikorwa kigayitse.
Gusa, icyo gihe abantu batandatu batawe muri yombi bazira gutesha agaciro imva ya Patrice Lumumba abandi barabura, bikavugwa ko ababuze ari abantu bakorera mu kwaha k’u butegetsi bwa perezida Félix Tshisekedi. Mu gihe abafashwe bivugwa ko babeshewe.
Tubibutse ko kuri iyi tariki ya 17/01 ni yo Abanyekongo bose mu gihugu bajya bibuka Emery Patrice Lumumba wishwe mu mwaka w’ 1961.
