Havuzwe amakuru y’abapolisi ba RDC bari barahungiye muri Uganda uko bacyuwe.
Aba Polisi bagera kuri 98 ba Repubulika ya demokarasi ya Congo bari barahunze intambara muri RDC nibo bacyuwe mu gihugu cyabo kuri uyu wa 16/08/2024.
Abacyuwe ba bapolisi bari hamwe n’abaturage 42 , bakaba bari barahungiye mu karere ka Kanungu ko muri Uganda. Aba bakaba bari barahunze ubwo M23 yafataga umupaka wa Ishasha tariki ya 04/08/2024.
Ibi bikaba byasobanuwe n’umusirikare ushinzwe gutanga amakuru muri divisiyo ya 2 y’ingabo za Uganda, Major Kiconco Tabaro, aba bapolisi bahunganye imyenda 41 n’udusanduku 55 twuzuye amasasu.
Major Tabaro yasobanuye ko aba bapolisi hamwe n’aba baturage b’Abanyekongo basubijwe muri RDC, banyujijwe ku mupaka wa Mpondwe-Kasindi.
Yagize ati: “Ntabwo ari ubwa mbere twakiriye abashinzwe umutekano bo muri RDC muri ibi bihe iki Gihugu kiri mu ntambara. Twabitayeho dushingiye ku itegeko mpuzamahanga, tubaha inzira yo kunyuramo.”
Mbere y’uko aba bapolisi bacyurwa, tariki ya 12/08/2024 babanje gusurwa n’intumwa za leta ya Kinshasa, zari ziyobowe na Lt Col Jacob Apunia, zagiye gusuzuma imyirondoro yabo. Zaje kwemera ko ari Abanyekongo.
Major Tabaro yasobanuye ko impunzi z’Abanye-kongo zikomeje guhungira muri Uganda, zinyuze mu duce turimo Kyeshero, Ishasha, Bunagana na Nkuringo mu karere ka Kisoro.
Uko aba Banye-kongo binjira muri Uganda ni ko Uganda ikaza umutekano ku mipaka kugira ngo hatagira abagizi ba nabi binjira muri iki gihugu.
MCN.
