Mu Mujyi wa Goma, mu Ntara ya Kivu y’Amajyarugu, mu Burasirazuba bw’igihugu cya Repubulika ya demokarasi ya Congo, ubwicanyi bukomeje gufata indi ntera.
Ni muri iri joro ryakeye rishira kuri uyu wa Gatatu, tariki ya 10/04/2024, aho abasivile batatu baraye bishwe barashwe, nk’uko iy’inkuru tuyikesha bamwe mu baturage baturiye ibyo bice.
Bavuga ko abaraye bishwe biciwe muri Quartier Majengo, ho mu Mujyi wa Goma, ko kandi barashwe n’umuntu wari witwaje imbunda.
Ay’a makuru akavuga ko abo bagabo batatu barasiwe muri restaurant, ni mu gihe bari bagiye gufata ifunguro.
Umwe mu banyamakuru baherereye mu Burasirazuba bw’igihugu cya Repubulika ya demokarasi ya Congo, bwana Steve Wembe, we yatangaje ko abasirikare ba Repubulika ya demokarasi ya Congo, bo mu barinda umukuru w’igihugu (GR) ko aribo baraye bishe barashe abasivile batatu.
Uy’u munyamakuru yahamije ko abo basirikare baje bambaye impuza kano zizwiho mu ngabo za Congo, zo mu barinda umukuru w’igihugu.
Yakomeje avuga ko ibyo byabereye muri Quartier ya Majengo, nk’uko abambere batanze ay’amakuru.
Kuva mu mpera z’u mwaka ushize n’ibwo i Goma, habaye ubwicanyi bukabije, aho ubwo bwicanyi bushinjwa Wazalendo bazwiho gufanya n’ingabo z’u butegetsi bwa Repubulika ya demokarasi ya Congo (Fardc).
