Ibyo wa menya kuri FDLR nyinshi zagaragaye ku misozi yo mu Rurambo.
Ni ku wa gatandatu w’icyumweru gishize, abarwanyi bo mu mutwe w’iterabwoba urwanya ubutegetsi bw’u Rwanda, FDLR, babarirwa mu magana bageze ku misozi yo muri Rurambo, ho muri teritware ya Uvira mu Ntara ya Kivu y’Amajy’epfo.
Amasoko yacu atandukanye dukesha iy’inkuru avuga ko aba barwanyi bakigera mu Rurambo bahitiye ahitwa mu Gitoga nyuma yokwakirwa na Gumino ya Nyamusaraba na Maï Maï iyobowe n’uwitwa Rushaba.
Ku ruhande rwa Gumino zakiriwe na Fureko wiyita Col mu gihe ku ruhande rwa Maï Maï zakiriwe na Rusheba wihaye ipeti rya General Major.
Kandi mbere yuko aba barwanyi ba FDLR bajanwe mu Gitoga babanje guhitizwa mu Masango mu gace gatuwe n’Abapfurelo nyuma babona kujanwa mu Gitoga ahazwi nk’ibirindiro bikuru bya Gumino na Maï Maï.
Hari amakuru avuga ko aba barwanyi baje baturutse mu mashyamba yo muri teritware ya Mwenga. Abavuga ibi nibo bemeza ko “aba barwanyi ko bo ba baraje gutegura umushinga wo gutera u Rwanda.”
Ku rundi ruhande, andi makuru akavuga ko aba barwanyi bageze muri ibi bice bahunze intambara ikomeje kubica bigacika muri Walikale hagati ya M23 n’ihuriro ry’Ingabo zirwana ku ruhande rwa Leta ya Kinshasa. Abavuga ibi bakemeza ko aba barwanyi baje baturutse mu mashyamba yo muri Walikale.
Minembwe.com yanamenya neza ko aba barwanyi baje barikumwe n’abana n’abagore babo, kandi bikoreye n’ibikoresho byinshi bya gisirikare, ahanini amasasu n’imbunda.
Ubutumwa bwanditse twahawe n’umuturage uturiye ibyo bice, bugira buti: “Naho FDLR iri mu Gitoga, usibye ko ntabirebire tubiziho. Yajijishije izana abagore n’abana, ariko icyo tuzi yazanwe na Maï Maï ndetse na Gumino. Uyu mugambi kandi urimo ingabo za FARDC zikorera muri Moyen-Plateau.”
Ubu butumwa bukomeza bugira buti: “Bafite kwerekeza hano i wacu i Gahororo, nawe urabyumva ko birimo amacyenga, ariko muhumure Imana irahari.”
Mu busanzwe umushinga wa FDLR wo gutera u Rwanda umaze igihe kirekire, kuri ubu na Leta ya perezida Félix Tshisekedi yawinjiyemo, ndetse hari n’abavuga ko Tshisekedi yamaze kuwugira uwe afatanyije na Leta y’u Burundi.
