Isi ngo yungutse ukundi kwezi -Ubushakashatsi
Mu gihe byaribisanzwe bizwi ukwezi kumwe ko ariko kuzenguruka isi, byatangajwe ko isi ifite ukundi kwezi guto kuzenguruka mu nzira imwe n’ukwezi gusanzwe.
Byatangajwe n’ikigo gikora ubushakashatsi cya Banyamerika, NASA, aho cyemeje neza ko isi ifite ukundi kwezi kwa kabiri ariko guto.
Bavuga ko ari agace bise 2025 PN7, akantu gato cyane gafite uburebure bugera hafi kuri metero 19, kakaba karabonetse hakoreshwejwe telescope ikomeye yo muri Hawaii yitwa Pan-Stars.
NASA kandi ivuga ko aka gace gato kagaragaye kagenda mu nzira ikurikira izuba kimwe n’isi, bigatuma kagaragara nk’aho “kazengurutse isi” nk’uko ukwezi gusanzwe gukora, bavuga kandi ko kagenzurwa n’imbaraga z’izuba kurusha iza gravity y’isi ikurura ukwezi.
Banavuze kandi ko uku kwezi guto bise “2025 PN7” gufitanye isano n’isi. Bivuze ko atari ukwezi nyakuri. Kuko mu kugasobanura bakoresheje ijambo “quasi -moon” cyangwa “Quasi-satellite.”
Banavuga ko kutazenguruka isi mu buryo bwuzuye, ahubwo ko ari agace ka asteroid kari hafi y’abantu, kagenda ku murongo ujyana n’uw’isi igihe kirekire, bituma bigaragara nk’aho ari ukwezi guto gufasha abantu.
Ubu bushakashatsi busobanura ko uku kwezi guto kwabonywe mu rugendo rwayo rwo kwegera isi kuva mu myaka yashize, biteganyijwe ko kuzakomeza kugumana ubwo buryo bwo kuba hafi y’isi kugeza n’ibura mu mwaka wa 2083.
Si ubwa mbere isi igira “mini-moon.” Kuko no mu myaka yashize, abashakashatsi basanze agace kitwa 469219 Kamo’olewa(2016 H03 na ko kagenda mu buryo n’ubwo 2025 PN7 iri gukoresha.
Kandi aba bashakashatsi bavuga ko nubwo bitangaje, ariko bidateje impungenge z’umutekano zihari, kuko 2025 PN7 iri kure bihagije ku buryo idashobora guteza ibibazo cyangwa ngo ihurirane n’isi.
Hagataho, isi iri kugenda itungurwa n’ibitangaza byisanzure, itigeze ihura nabyo mu myaka yo ha mbere.
