Maï Maï yasubije abatangaje ko Jenerali Mtetezi yapfuye.
Abarwanyi ba maï maï bo mu mutwe wa FPDC ML, uyobowe na Jenerali Ebuela Mtetezi bahakanye amakuru yavugaga ko uyu komanda wabo yapfuye, bamenyesha ko ari muzima.
Mu minsi ibiri ishize ni bwo ku mbugankoranyambaga byagiye bitangazwa ko Ebuela Mtetezi yapfuye; byavugwaga ko yishwe arashwe kibandi, nk’uko biheruka kugendekera icyegera cye. Ubushize iki cyegera cye cyiciwe mu Mikenke.
Ni amakuru yavugaga ko na Mtetezi yishwe n’ingabo za FARDC. Ariko inyandiko abarwanyi ba FPDC ML bashize hanze bakoresheje imbuga, zivuga ko uyu murwanyi ari mu zima.
Ni inyandiko zanditse mu rurimi rw’igiswahili, aho zigira ziti “Kundi la FPDC ML lasema Jenerali Mtetezi Ebuela yuko hai,” ugenekereje mu Kinyamulenge bivuze ngo “Abarwanyi ba FPDC ML rimenyesha ko Jenerali Mtetezi Ebuela ari muzima.”
Zikomeza zivuga ko amakuru yavugaga ko yishwe arashwe ari “ibihuha byambaye ubusa.”
Iz’inyandiko za Maï Maï ntizigaragaza uwo bitiranyije na Jenerali Mtetezi Ebuela, ariko amakuru Minembwe.com imaze kwakira yizewe n’uko hapfuye umu Esikoti wa Ebuela kandi wahoraga hafi ye.
Aya makuru anahamya neza ko yishwe ku mugoroba wo ku Cyumweru, bikavugwa ko yishwe kibandi aho bikekwa ko yaba yarishwe n’ingabo za FARDC.
Nk’uko bisobanurwa, nuko yiciwe hafi no mu Gipupu yicwa mu masaha y’umugoroba wajoro. Muri ibyo bice byo mu Mikenke na Gipupu, si igishitsi kumva ko FARDC yishe abarwanyi ba maï maï kabone nubwo bakorana byahafi.
Kuko mu mpera z’ukwezi gushize ni bwo kandi insoresore z’Ababembe ku kagambane ka FARDC zarasiye mu Mikenke icyegera cya Jenerali Mtetezi Ebuela, Col.Bifaranga, akaba yariciwe hafi n’ibitaro bikuru bya Mikenke. Yarashwe ubwo yari yerekeje mu muhana w’Ababembe baho hafi.
Igitangaje kugeza ubu nta matohoza arakorwa ku rupfu rw’uwo muyobozi wo muri Maï Maï, kimwe n’uyu wapfuye ku Cyumweru.
Hagati aho umutekano ukomeje kujegajega mu Mikenke ndetse no mu nkengero zayo.
