Menya umwanya Major Claudine yahawe muri polisi ya AFC/M23/MRDP
Ihuriro rya Alliance Fleuve Congo, AFC/M23/MRDP-Twirwaneho ryagize Major Claudine kuyobora ibikorwa bya polisi yaryo mu ntara ya Kivu y’Amajyepfo na Kivu y’Amajyaruguru.
Ni amakuru MCN ikesha bamwe mu bagize iri huriro rya AFC/M23/MRDP, aho bavuga ko izi mpinduka zakozwe kuri uyu wa gatandatu tariki ya 13/09/2025.
Nk’uko babivuga bagize bati: “Major Claudine yagizwe S1 wa polisi yose ya AFC/M23/MRDP, bivuze ushyinzwe imiyoborere ya polisi mu bice byose byabohowe na AFC/M23/MRDP.”
Claudine wahawe uyu mwanya muri polisi yari umusirikare wa M23 kuva mu mwaka wa 2022, aho ayifitemo ipeti rya major.
Yageze muri iki gisirikare avuye mu mutwe wa Twirwaneho, akaba yarayigezemo mu mwaka wa 2020. Nyuma y’aho atabaye benewabo Abanyamulenge bicwaga n’ihuriro ry’ingabo za Congo mu bitero zabagabaho kuva mu mwaka wa 2017.
Izi mpinduka zikozwe mu gihe AFC/M23/MRDP iheruka gutangaza ko abapolisi bayo batangiye gushyirwa mu bikorwa byo kurindira abenegihugu bo mu bice igenzura umutekano usesuye.
Hari nyuma y’aho abo bapolisi basoje course, iyo bamazemo amezi atandatu. Ndetse umuhango wo kuyisoza wayobowe n’umugaba mukuru w’Ingabo z’umutwe wa M23, Maj.Gen.Sultan Makenga.
