Muri Afrika y’Epfo umuryane uruvuza ubuhuha ku ntambara iri i Goma muri RDC.
Igisirikare cya Afrika y’Epfo (SANDF) cyemeje abasirikare babo baguye mu ntambara iri kubera mu Ntara ya Kivu y’Amajyaruguru aho umutwe wa M23 uhanganye n’ihuriro ry’ingabo za Congo, ribarizwamo n’izo ngabo za Afrika y’Epfo, bituma mu gihugu cyabo bizana umuryane.
Ku mu goroba w’ahar’ejo tariki ya 26/01/2025, ni bwo igisirikare cya Afrika y’Epfo cyemeje abasirikare babo icyenda baguye mu mirwano. Kandi kigaragaza ko abo basirikare baguye mu mirwano yaberaga mu nkengero z’umujyi wa Goma. Ubwo umutwe wa M23 wasatiraga gufata umujyi wa Goma.
Ubwo ingabo za Afrika y’Epfo zigera kuri 3.000 zoherezwaga mu Burasirazuba bwa Repubulika ya demokarasi ya Congo, na bwo byari byabanje kunengwa cyane mu baturage b’iki gihugu cya Afrika y’Epfo, ndetse kandi binengwa n’amashyaka atavuga rumwe n’ubutegetsi, bakavuga ko ingabo z’iki gihugu zidafite ibikoresho bihagije bijyanye n’igihe Isi igezemo.
Uku kunenga byongeye kugaruka cyane kuri iki Cyumweru tariki ya 26/01/2025. Ishyaka Democratic Alliance (Ad) ribarizwa muri Guverinoma y’ubumwe bw’igihugu, ariko ritemera politiki y’igisikare cy’iki gihugu, ryamaganye ingengo y’imari, rigasobanura ko bituma abasirikare batabona imyitozo ihagije ndetse kandi ko iki gisirikare gikoresha ibikoresho bishaje gusa. Rigasaba ko iki gihugu cyavana ingabo zabo muri RDC.
Ihuriro ry’Ingabo za SANDU naryo ryamaganye mu itangazo rigenewe Abanyamakuru kuba nta mucyo uva mu gisirikare ku bijyanye n’ibibazo n’igihombo iki gisirikare cyagiriye ku butaka bwa Congo, ahabera intambara ya Congo n’umutwe wa M23. Kutubaha abasirikare bapfiriye ku rugamba nk’uko babivuga, ngo bikaba bishyira icyaha ku cyizere igisirikare cyabo gifitiwe.
