Ngarura yumvikanye anenga ingabo za FARDC.

Ngarura yumvikanye anenga ingabo za FARDC.

Ngarura Patrick uzwi mu Banyamulenge bashigikira ibikorwa bya Guverinoma ya Kinshasa byo kwica benewabo Abanyamulenge, yongeye kumvikana anenga ingabo z’iyi leta nyuma y’uko zihunze mu mujyi wa Goma uza kwigarurirwa n’umutwe wa M23.

Hari mu butumwa bwa majwi Ngarura Patrick yatanze, ubwo hagaragaraga amashusho y’ingabo za Repubulika ya demokarasi ya Congo, FARDC, zirimo guhunga ziva muri Goma.

Amwe muri ayo mashusho yagaragaje aba basirikare bambutse umupaka, ari nabwo binjiye mu Rwanda, ndetse baza kwakirwa n’ingabo za RDF.

Andi nanone yabagaragaje barambika intwaro zabo hasi, ubundi bakishyira mu maboko y’umutwe wa M23.

Uyu mutwe wa M23 wanashyize itangazo hanze mu rukerera rwo ku wa mbere, risaba abaturiye uyu mujyi wa Goma gutekana, kandi ko uyu mujyi wamaze kuja mu maboko y’uyu mutwe. Iri tangazo kandi ryaburiraga abarwana ku ruhande rwa leta kurambika intwaro, ubundi amahoro akagaruka muri uyu mujyi utuwe n’abantu barenga miliyoni 2, ukaba uherereye mu Burasirazuba bwa Repubulika ya demokarasi ya Congo.

Muri ubwo butumwa bwa Ngarura Patrick yagize ati: “Twe twaratewe ariko nti twigeze tu masha, kandi abaduteye bo baramashije. Yewe baranabyituguye bihagije.” Aha yavugaga ko FARDC ititeguye uru rugamba ariko ko M23 yaruteguye inabishoramo imbaraga zose.

Yavuze ko ari yo mpamvu uja kumva ukumva hasohotse amakuru nk’aya ngaya ngo abasirikare ba FARDC bahungiye mu Rwanda ni imbunda zitarashe, ati: “None bari batunze izi ki? Binjiye igisirikare kubera iki? Ubundi umusirikare azarwana agapfira igihugu.”

Yakomeje agira ati: “Ibi bintu mwari mwabibonahe muri iyi si ya Rurema. Ni hehe mwari mwabona abantu bafata imbunda bagata igihugu batarwanye bagahungira ku mwanzi!”

Ngarura yanavuze kandi ko bitangaje kubona umusirikare wa FARDC ahungira mu Rwanda, kandi ko byari kuba byiza kwinjiza abantu mu gisirikare habanje kugenzurwa abakwiriye, ngo kuko ibyo aba bakoze byasuzuguje igihugu n’ubutegetsi bwacyo.

Yaboneyeho no kwibutsa ko bagiye inama Leta zikwiye, ariko ko bigaragara ko zitakurikijwe.

Uyu Ngarura watanze ubu butumwa azwi cyane ku mbuga za Whatsapp zihuriweho Abapfulero n’Abanyindu, ndetse n’Abanyamulenge. Nta bikorwa bizwi yaba yarakoze cyangwa akora, usibye kuba yaramenyekanye mu butumwa bwa majwi, buzwi nka audio. Ndetse akenshi yandika buke kuko ahanini atanga ubwo butumwa bwa majwi agakomeza Wazalendo n’abandi Banyamulenge barwanya kwirwanaho.

Usibye nibyo aheruka gushyirwa kuri Liste yabo bise “Abanyakagara iri mugukomeza gucyishwa ku mbuga.” Aba akaba ari gurupe y’Abanyamulenge bagambanira abandi Banyamulenge bashigikira ibikorwa byo kwirwanaho mu gihe ihuriro ry’Ingabo zirwana ku ruhande rwa Leta ryabagabyeho ibitero.

Gusa abakoze iyo lisite ntibagaragaje amazina yabo, usibye ko biyise abakunzi ba Twirwaneho.