Perezida wa Israel Herzog yageze i Kinshasa, yakirwa na Tshisekedi
Perezida w’igihugu cya Israel, Isaac Herzog, yageze i Kinshasa kuri uyu wa Kabiri, tariki ya 11/11/2025, mu ruzinduko rw’akazi, aho yakiriwe na Perezida wa Repubulika ya Demokarasi ya Congo (RDC), Félix Antoine Tshisekedi.
Ni uruzinduko rugamije gutsura umubano hagati y’ibihugu byombi, ndetse no kuganira ku bufatanye bushya mu nzego zitandukanye zirimo ubukungu, ikoranabuhanga, no kurwanya iterabwoba.
Ihuriro ry’aba bakuru b’ibihugu rije mu gihe Isi yose ikurikiranira hafi uko Israel yitwara mu ntambara iri kubera muri Gaza, ndetse na RDC ikomeje guhangana n’ibibazo by’umutekano muke mu Burasirazuba bw’igihugu.
Biteganyijwe ko muri uru ruzinduko rwa Herzog, impande zombi zizasinya amasezerano y’ubufatanye, by’umwihariko mu bijyanye n’ubuhinzi, amazi, n’ubuvuzi.
