Umuyobozi w’u mutwe wa M23, Bertrand Bisimwa, yashinje Igisirikare cy’ubutegetsi bwa Repubulika ya Demokarasi ya Congo, kubashoraho intambara mugihe bari mugihe cya gahenge(cease-fire), bategetswe na leta Zunze Ubumwe z’Amerika.
Mu mpera z’iki Cyumweru dusoje ahagana k’u wa Gatatu, tariki 13/12/2023, n’ibwo impande zihanganye zasabwe kuja mu gahenge kiminsi 14, nyuma y’uko bari bavuye mu kandi gahenge kiminsi itatu (3), nako kari kasabwe n’ubutegetsi bwa perezida Joe Biden.
Nk’uko Berterand Bisimwa wa M23, yabitangaje kuri uyu wa Gatanu, tariki 22/12/2023, yagize ati: “Kuva ejo tariki ya 21/12/2023, ihuriro ry’Ingabo z’ubutegetsi bwa Repubulika ya Demokarasi ya Congo, bagabye ibitero ahari ibirindiro bya ARC/M23, mu bice byo muri teritware ya Masisi.”
“Mu buryo bugaragara ziriya Ngabo za RDC, ziragaragaza ko bashaka gukaza umurego kuko bongeye kutugabaho ibitero uyu munsi.”
Yakomeje avuga ati: “Kwinjira mu ntambara kw’ihuriro ry’ingabo za Guverinoma ya Kinshasa, barashaka kuburiza uburyo Amatora yarimo agana kumusozo.”
Berterand Bisimwa, yasoje avuga ati: “ARC/M23, iraburira ko iza gukomeza kw’irwanaho kinyamwuga kugira ngo irengere abaturage n’imitungo yabo.”
Amakuru yizewe Minembwe Capital News, ikesha Isoko yacu, ahamya ko umutwe wa M23, wafashe uduce twabereyemo imirwano aritwo twa Kinduzi na Gatama, muri Grupema ya Matanda, teritware ya Masisi, mu Ntara ya Kivu y’Amajyaruguru.
Ay’amakuru akomeza avuga ko M23 kuri ubu inagenzura utundi duce tubiri turi mu nkengero za Rubaya, turi muri Grupema ya Bashali, ni uduce bivugwa ko twabereyemo imirwano kumunsi w’ejo hashize, tariki 21/12/2023.
Bruce Bahanda.
