Sud-Kivu: Kera kabaye, amasasu FARDC yarashe yo gufusha ubusa yarikoze.
Amakuru ava Uvira mu Ntara ya Kivu y’Amajy’epfo, avuga ko amasasu ingabo za Repubulika ya demokarasi ya Congo, (FARDC), ziheruka kurasagura ubwo zarimo zizamuka imisozi y’i Ndondo ya Bijombo yakomerekeje bamwe muri bo abandi arabica, ndetse abanze kuja Ruguru batabwa mu nzu y’imbohe.
Aya masasu, FARDC yayarashe mu masaha y’umugoroba wajoro, tariki ya 10/01/205, no mu gitondo cy’ejo hashize hari ubwo yumvikanye. Ni amasasu yarashwe cyane, usibye ko banyuzagamo, bakabanza guhagarika, ubundi bakongera bigafata umwanya barasagura.
Nk’uko byavuzwe, yaraswaga n’abasirikare bazamukaga imisozi y’i Ndondo aho bivugwa ko bari bavuye mu mujyi wa Uvira batumwe mu Minembwe na Bijombo.
Bakaba baratangiye kuyarasa ubwo bari barenze agace ka Kijaga gaherereye muri cheferie y’Abavira muri teritwari ya Uvira.
Ni agace kandi kagabanya imisozi izamuka ni iri hasi y’umushyasha wa Uvira.
Amakuru yatanzwe n’abasirikare avuga ko ayo masasu FARDC yayarashe mu buryo bwo gufungura inzira, ngo kuko batinyaga ko yaba irimo Twirwaneho iyo bavuga ko ariyo bagiye guhiga.
Ariko andi makuru yo ku ruhande avuga ko aba basirikare bazamutse iriya misozi, batahawe amafaranga, kandi ko n’ubundi bari bamaze igihe badahembwa izo bahembwa ku kwezi ku kwezi.
Mu kurasagura rero, yakomerekeje bane murbo, aho bahise bajanwa mu bitaro bikuru bya Uvira, babigezemo babiri barapfa abandi bakaba bakirimo bitabwaho n’abaganga, nk’uko iyi nkuru ikomeza ibivuga.
Ku rundi ruhande, bamwe muri aba basirikare bari bazamutse imisozi, umunani muribo wagarukiye mu nzira, bikavugwa ko banze gutumwa muri iyo misozi, ngo ntibashaka kuja gupfira mu Minembwe na Bijombo. Akaba aribo amakuru avuga ko batawe mu nzu y’imbohe muri Uvira.
Hagataho, FARDC kuva mu ntangiriro z’uku kwezi turimo ndetse na mbere yaho gato, yagumye kohereza ingabo zayo mu Minembwe, bikavugwa ko yaba ishaka kongera kurwanya Abanyamulenge, nk’uko n’ubundi yabagabyeho ibitero mu kwezi gishize ku mwaka w’ 2024.
Kuko mu mpera z’u mwaka ushize, yavanye abasirikare benshi i Lulimba n’ahandi mu tundi duce twa Fizi, ibatuma mu Minembwe. Kugeza n’ubu iracyakomeje ku hohereza abasirikare, aho benshi bari kuvanwa aho muri Uvira.
