Umusirikare uri mu bakomeye muri m23, byari byavuzwe ko yapfuye, nimuzima.
Mu minsi itatu ishyize, ibinyamakuru byinshi byo muri Repubulika ya demokarasi ya Congo, bikorera mu kwaha ku butegetsi bwa perezida Félix Tshisekedi, byari byatangaje ko Col Kanyimibwa wo muri m23 yaguye mu mirwano iri kubera i Walikale, ariko ni muzima kandi ntanaho yakomeretse, nk’uko amasoko yacu atandukanye abivuga.
Aya makuru yavugaga ko Col Kanyimibwa yaguye mu rugamba ruheruka gusakiranya umutwe wa m23 n’igisirikare kirwana ku ruhande rwa Leta ya Kinshasa mu nkengero za Pinga ho muri teritwari ya Walikale.
Ni mu gihe ibyemweru bibiri bishyize intambara ikomeje kubica bigacika muri Kivu y’Amajyaruguru, ku mpande zibiri zishamiranye.
Iyi ntambara yasize aba barwanyi ba m23 bigaruriye ibice byinshi byo muri teritwari ya Masisi, nk’ahitwa Kalembe n’ibindi bice byo muri Walikale birimo na Pinga.
Kimwecyo, iyi mirwano ntabwo yigeze igwamo Col Kanyamibwa, nk’uko byari byatangajwe n’ibitangazamakuru bikorera mu kwaha kwa perezida Félix Tshisekedi.
Mu makuru yizeye MCN yahawe n’umwe mu barwanyi ba m23 yavuze ko uwo musirikare ahari kandi ko atanigeze akomereka.
Yagize ati: “Iyo nkumbwira ngo nseka ingano za Tshisekedi zitangaza amakuru y’ibihuha, nibi mba nkumbwira. Col Kanyamibwa arahari ni muzima nk’amategeko.”
Col Kanyamibwa ni umugabo uri mu kigero cy’imyaka 52 y’amavuko; yinjiye igisirikare ahagana mu mwaka w’ 1991 akaba yari njiriye i Nakivale ho mu gihugu cya Uganda.
Muri uyu mutwe wa m23, uyu musirikare akuriye ibikorwa bya “training wing” aho yungirijwe na Col Byinshi.
Twanabwiwe ko avuka muri teritwari ya Masisi mu ntara ya Kivu y’Amajyaruguru.
